मुक्तिनाथ विकास बैंकले चितवनको खैरहनीमा पर्सा शाखाको विस्तार गरेको छ । शाखा कार्यालय पर्साको खैरहनी नगरपालीका नगर प्रमुख लालमणी चौधरीले गरे ।
उक्त शाखा उद्घाटन मन्तव्यका क्रममा उनले यस क्षेत्रमा कृषि पर्यटनको विकासका लागी वित्तीय संस्थाहरुको उपस्थिती बढ्नु खुशीको कुरा भएकोले पर्सा बासीको सदैब साथ र सहयोग रहने बताए । कार्यक्रममा बैकका नायव प्रमुख कार्यकारी अधिकृत प्रद्युमन पोख्रेलले बैंकको हालको अबस्था तथा बैंकले सामाजिक उत्तरदायित्वको क्षेत्रमा विशेष जोड दिई रहेको बारेमा प्रकाश पार्नुका साथै बैंकले प्रदान गर्दै आईरहेको सेवा सुविधाका बारेमा चर्चा गर्नु भएको थियो ।
यस विकास बैंकको चितवन जिल्लामा ४ वटा शाखा सहित गरी कुल ७० वटा कार्यालयहरु पुगेका छन् । बैंकले २०७४ आश्विन मसान्त सम्म रु. १९ अर्ब ५४ करोड निक्षेप संकलन गरी रु. १६ अर्ब ८० करोड कर्जा लगानी गर्न गरेको छ । सोही अवधिमा बैंकले रु. १३ करोड ५४ लाख खुद मुनाफा गर्न सफल भएको छ ।
शाखा समुद्घाटन कार्यक्रममा पर्सा बजार र सो आसपासका व्यापारी, समाजसेवी, कृषक र स्थानीय नागरिकहरु लगायत स्थानीय बैंक तथा वित्तीय संस्थाका प्रमुख एवं प्रतिनिधिहरुको उपस्थिति रहेको थियो ।
प्रकाशित मितिः२०७४ कार्तिक २०
वि.सं.२०७४ कात्तिक २० सोमवार १३:४२ मा प्रकाशित