हेटौँडा । प्रदेश नंबर ३ का मुख्यमन्त्री डोरमणी पौडेलले घुस खाने जो कोहिलाई पनि प्रदेश सरकारले नछोड्ने चेतावनी दिएका छन् । माडवरी यसोसियसनको २३ औँ वार्षिक साधरणसभामा बोल्दै मुख्यमन्त्री पौडेलले यस्तो चेतावनी दिएका हुन् ।
कार्यक्रममा बोल्दै पौडेलले भने “घुस मागे भने मलाई फोन गर्नुस् ठाउँको ठाउँ कारबाही गर्छु” घुसले शुसासनमा गम्भिर असर गरेको भन्दै उनले प्रदेश नंबर ३ लाई शुसासनको दृष्टिले पनि उत्कृष्ट प्रदेश बनाउने प्रतिवद्धता ब्यक्त गरेका हुन् ।
नेपालको संविधानमा पनि जातजाती, भेषभुषा तथा धर्म सस्कृतिको नाउँमा कसैलाई विभेद गर्न नपाउने ब्यवस्था भएको सन्र्दभममा मधेसी र माडवरीको नाउँमा विभेद गर्ने जो कोहिलाई पनि कारवाही गर्ने उनले बताए ।
उनले भने : यदि कुनै सरकारी कार्यालय या सार्वजनिक स्थानमा मधेशी भएको नाउँमा तपाईहरुलाई विभेद गरियो भने हामीलाई भन्नुस, उनीहरुलाई कारबाही गर्नेछौ । कुरिति अन्त्यको लागि आफुहरुले २४ सै घण्टा सुचारु हुनेगरि हटलाईन सेवा प्रारम्भ गर्न लोगको समेत उनको भनाई रहेको छ ।
२०७४ चैत २४ गते प्रकाशित
वि.सं.२०७४ चैत २४ शनिवार १८:०३ मा प्रकाशित