काठमाडौं । वोमी माइक्रोफाइनान्स वित्तीय संस्थाले ३० प्रतिशत हकप्रद सेयर निष्कासन गर्न धितोपत्र बोर्डबाट अनुमति पाएको छ । कम्पनीले १० बराबर ३ अनुपातमा २ लाख ३३ हजार २८० कित्ता हकप्रद सेयर बिक्री गर्न अनुमति पाएको हो ।
हकप्रद पछि चुक्ता पुँजी १० करोड १० लाख ८८ हजार रुपैयाँ पुग्नेछ । चालु आर्थिक वर्षको तेस्रो त्रैमासमा वोमीले २ करोड ९५ लाख १० हजार रुपैयाँ खुद नाफा कमाएको छ । यसमा बिक्री प्रबन्धकको सिद्धार्थ क्यापिटलले गर्नेछ ।
कम्पनीले हाल कायम चुक्ता पुँजी ७ करोड ७७ लाख ६० हजार रुपैयाँबाट ३० प्रतिशत हकप्रद बिक्री गर्न लागेको हो । प्रतिसेयर आम्दानी ५० रुपैयाँ ५० पैसा रहेको यस कम्पनीको प्रतिसेयर नेटवर्थ भने १७० रुपैयाँ ४१ पैसा छ ।
२०७५ बैशाख २१ गते प्रकाशित
वि.सं.२०७५ वैशाख २१ शुक्रवार १६:०४ मा प्रकाशित