काठमाडौं । नेपाल स्टक एक्सचेन्जमा आइतबार ५ कम्पनीको १ करोड ७० लाख ३ हजार ८४.४५ कित्ता सेयर सूचीकृत भएको छ । सबैभन्दा धेरै कुमारी बैंकको १ करोड १९ लाख ३८ हजार ९९१.६५ कित्ता हकप्रद सूचीकृत भएको छ । सूर्या लाइफ इन्सुरेन्सले ४० प्रतिशत र कुमारी बैंकले २० प्रतिशत हकप्रद सेयर सूचीकरण गराएका हुन् ।
मञ्जुश्री र युनाइटेड फाइनान्सको भने बोनस सेयर सूचीकृत भएको हो । मञ्जुश्रीले ५.७१ प्रतिशत र युनाइटेडले १९ प्रतिशत बोनस सेयर दिएका थिए । सिटिजन्स बैंकले पनि हालै बिक्री गरेको ४ लाख ६३ हजार कित्ता एफपीओ नेप्सेमा सूचीकृत गराएको छ ।
२०७५ भदौ १७ गते प्रकाशित
वि.सं.२०७५ भदौ १७ आइतवार १४:३७ मा प्रकाशित
