काठमाडौं । सेयर बजारले दसैं लागेको संकेत दिएको छ । विगतका वर्षहरु पनि दसैको पूर्वसन्ध्यामा सेयर बजार ओरालो लाग्ने गरेको थियो । अहिले पनि त्यही गतिलाई निरन्तरता दिन थालेको छ ।
लगानीकर्ताहरु सेयर बेचेर दसैंका लागि पैसाको जोहो गर्न थालेका कारण सेयर बजार मापक नेप्से बुधबार १०.७६ विन्दुले घटेको छ । अहिले सेयर बजार मापक नेप्से १२३०.६० विन्दुमा आइपुगेको छ । नेप्सेले दसैं लागेको संकेत दिएको ब्रोकरको भनाइ छ । दसैंतिहार जस्ता महत्वपूर्ण चाडपर्व नजिकिने समयमा कतिपयले खर्च जोहो गर्न सेयर बेच्ने गरेको एक ब्रोकरले बताए । त्यसैको असर सेयर बजारमा पर्ने गर्दछ ।
विगत वर्षमा पनि दसैको पूवसन्ध्यादेखि तिहारसम्ममा सेयर बजार सुस्ताएको थियो । अहिले पनि त्यही अवस्था हुने ब्रोकरको भनाइ छ । यसले पनि सेयर बजारमा त्यसैको प्रभाव पर्नेअनुमान गरिएको छ । तर, बैंक तथा वित्तीय संस्थाले धमाधम लाभांशको घोषणा गर्न थालेको र दुई महिनाभित्रै अनलाइन सेवा सुरु हुने, सेयर धितोमा बैंकहरुले कर्जा दिन थालेको, बैंकले ब्याजदर घटाउँदै गएको कारण पनि सेयर बजारमा सुधार आउने अपेक्षा गरिएको लगानीकर्ताको भनाइ छ ।
२०७५ असोज १८ गते प्रकाशित
वि.सं.२०७५ असोज १८ बिहीवार १०:१५ मा प्रकाशित
