back
NMB ad

कार चढ्ने चाहना छ? छ भने बजारमा ५ लाखदेखि ५५ लाख रुपैयाँसम्मका कार बिक्रीमा

Kumari bank ad

 काठमाडौं । कार चढ्ने चाहना सबैको हुन्छ । कतिपयलाई मूल्यका कारण यो चाहना बाधक बनेको हुन सक्छ । ब्रान्ड न्यू कार किन्ने सोच नबनाएका उपभोक्तालाई ध्यानमा राख्दै रिकन्डिशन कार बिक्रेताहरुले राम्रो अवसर उपलब्ध गराएका छन् ।

पछिल्लो समय बिस्तार हुदै गएको सेकन्ड ह्यान्ड कार बजार बिक्री ५ लाखदेखि ५५ लाख रुपैयाँसम्मका चल्तिका कार पाइन्छ भने त्यो भन्दा बढी मूल्यका पनि सेकेन्ड ह्यान्ड कार बजारमा बिक्री वितरण भइरहेका छन् । यस्ता रिकन्डिशन हाउसहरुले ग्राहकबाट गाडी किन्दा त्यसको अवस्था, माइलेज, पार्टपुर्जा, नयाँ वा पुरानो कार के छ भन्ने आधारमा मूल्य तय गरेर खदिर गर्ने गर्छन् ।

पछिल्लो समय रिकन्डिशन हाउस दुईपाङ्ग्रेबाट चारपाङ्ग्रे सवारीमा उक्लन चाहने ग्राहकललाई आकर्षक खरिद बिक्री केन्द्रको रुपमा स्थापित भएका छन् । धेरै बिक्री गरेका गाडीहरुमा हुन्डाईको स्यान्ट्रो, टुसान र सन्ताफे तथा मारुतीको स्विफ्ट डिजायर, कार्गो भ्यान र मारुती भ्यान हुन् । प्राय, हुन्डाईको ग्रान्ड आई १०, सुजुकी स्विफ्ट, मारुती भिटारा ब्रेजा, वागेनआरको रिकन्डिशन मोडल खरिद गर्न चाहने ग्राहक बढी भएको पोदार बताउँछन् ।

नक्शालमा करिब १३ वर्षदेखि संचालनमा रहेको काठमाडौं अटोमोबाइलका महाप्रबन्धक सचिन कुईँकेल भन्छन् ‘उपयुक्त कन्डिसनका गाडीलाई सस्तो मूल्यमा उपलब्ध गराउँदै आएका छौं, रिकन्डिशन व्यवसायकै कारण आफ्नो रोजाई र बजेट अनुसारका गाडी सबैले चढ्न पाएका छन् ।’ त्यस्तै, गाडी फेरिरहने शौखिनहरुले पनि आफ्नो पुरानो गाडी बेच्ने उपयूक्त थलोको रुपमा रिकन्डिशन हाउस पाएका छन् । उनिहरुले आफ्नो पुरानो गाडी यस्तो ठाँउमा बेच्छन् र नयाँ किन्छन् ।

काठमाडौं अटोमोवाइलले मात्र मासिक १५ देखि २० वटासम्म रिकन्डिशन कार बिक्री गर्ने गरेको कुईकेल बताउँछन् । उपत्यकामा यस्ता रिकन्डिशन हाउसहरु थुप्रै खुलेका छन् । ‘रिकन्डिशन को बजार ठूलो भइसकेको छ, नयाँ कारको व्यापारलई जस्तै यसलाई पनि व्यवस्थित रुपमा संचालन गर्न आवश्यक छ,’ कुईँकेलले भने ।

५ लाख देखि ५५ लाखसम्मका कार

नयाँ वानेश्वरमा रहेको मोटर कार प्रालिले पनि विगत १४ वर्षदेखि विभिन्न ब्रान्डका पुराना गाडीहरु खरिद तथा बिक्री गर्दै आएको छ । उक्त रिकन्डिशन हाउसमा हुन्डाई, मारुती सुजुकी, निसान र टाटा लगायतका कम्पनीका विभिन्न मोडेलका पुराना गाडीहरु बिक्रीको लागि राखिएका छन् ।

हाल, यस कम्पनीसँग पाँच लाखदेखि ५५ लाख रुपैयाँसम्मका कार रहेका छन् । ग्राहकको चाहाना, क्षमता र आवश्यकता अनुरुप ‘लो रेन्जदेखि हाइ रेन्ज’सम्मका रिकन्डिशन कार बिक्री गर्दै आएको प्रालिका संचालक अजय पोदार बताउँछन् ।

धेरै खोजिने ब्रान्ड

मोटर कार प्रालिले धेरै बिक्री गरेका गाडीहरुमा हुन्डाईको स्यान्ट्रो, टुसान र सन्ताफे तथा मारुतीको स्विफ्ट डिजायर, कार्गो भ्यान र मारुती भ्यान हुन् । प्राय, हुन्डाईको ग्रान्ड आई १०, सुजुकी स्विफ्ट, मारुती भिटारा ब्रेजा, वागेनआरको रिकन्डिशन मोडल खरिद गर्न चाहने ग्राहक बढी भएको पोदार बताउँछन् ।

ग्राहकले गाडी खरिद गर्दा सुरुमा सबै सर्भिसिङ गरेर दिइने र केही दिनमै गाडीमा समस्या आएमा आफूले फिर्ता पनि लिने गरेको उनले बताए । ग्राहकले गाडी खरिद गर्दा गाडीको अवस्था, पार्ट पुर्जाको अवस्था, माइलेज लगायत सबै कुराको ध्यान राख्नुपर्ने उनि बताउँछन् ।

काठमाडौं अटोमोबाइलका महाप्रबन्धक कुईँकेल भने गाडीको मूल्य निर्धारण गर्दा आफूलाई न्युनतम १५ हजार फाइदा हुने गरी निर्धारण गर्ने गरेको भए पनि कतिपय अवस्थामा धेरै वर्षसम्म पनि गाडी बिक्री नहुँदा घाटा बेहोर्नु पर्ने बताउँछन् ।

फाइनान्स सुविधा

प्राय, रिकन्डिशन कम्पनीले राष्ट्र बैंकको नीति अनुरुप नै सेकेन्ड ह्यान्ड कारमा फाइनान्स सुविधा प्रदान गर्दै आएका छन् । बैंकले आठ वर्षभन्दा पुराना गाडीमा फाइनान्स सुविधा दिदैन । प्रायः फाइनान्स कम्पनी र बैंकले आठ वर्षको अवधिलाई आधार मान्दै फाइनान्सिङ सुविधा प्रदान गरिन्छ ।

ग्राहकले स्वयंमले छनौट गरेको फाइनान्समार्फत रिकन्डिशन कार बिक्री हुने गरेको छ । मोटर कार प्रालिका पोदारका अनुसार कम्पनी स्वयंमको फाइनान्स ‘मोटर कार’ मार्फत फाइनान्स सुविधा दिँदै आएको बताउँछन् ।

फाइनान्स र बैंकले सेकेन्ड ह्यान्ड कारमा १६ प्रतिशत ब्याजदरमा ऋण सुविधा प्रदान गर्दै आएका छन् । नयाँ कारमा जस्तै सेकेन्ड ह्यान्ड कारमा पनि वारेन्टी, ग्यारेन्टी, छुट, उत्कृष्ट फाइनान्सिङ सुविधा प्रदान गर्दै आएको रिकन्डिशन कम्पनीहरुको दाबी छ ।

(स्रोत: मेरो अटो)

२०७६ असार २५ गते प्रकाशित

वि.सं.२०७६ असार २५ बुधवार १५:५७ मा प्रकाशित

You can share this post!

शिक्षकहरुको अन्तरजिल्ला सरुवा रोक्का   

शिक्षकहरुको अन्तरजिल्ला सरुवा रोक्का   

वि.सं.२०८० चैत ६ मंगलवार ०७:१२

काठमाडौँ, ६ चैत : शिक्षा, विज्ञान तथा प्रविधि मन्त्रालयले सामुदायिक...

सहकारीको यकिन तथ्याङ्क निकाल्न मन्त्रालयले पहल गर्छः मन्त्री अधिकारी   

सहकारीको यकिन तथ्याङ्क निकाल्न मन्त्रालयले पहल गर्छः मन्त्री अधिकारी   

वि.सं.२०८० चैत ६ मंगलवार ०७:०५

काठमाडौँ, ५ चैत : भूमि व्यवस्था, सहकारी तथा गरिबी निवारणमन्त्री...

पुँजीगत खर्च वृद्धि गर्न अर्थमन्त्रीलाई चेम्बरको आग्रह   

पुँजीगत खर्च वृद्धि गर्न अर्थमन्त्रीलाई चेम्बरको आग्रह   

वि.सं.२०८० चैत ६ मंगलवार ०६:५८

काठमाडौँ : नेपाल चेम्बर अफ कमर्सले पुँजीगत खर्चमा वृद्धि गरी...

कुमारी बैंकले सुरु गर्याे रिकरिङ्ग निक्षेप गोल क्याल्कुलेटर सुविधा

कुमारी बैंकले सुरु गर्याे रिकरिङ्ग निक्षेप गोल क्याल्कुलेटर सुविधा

वि.सं.२०८० चैत ६ मंगलवार ०६:५३

काठमाडौं । कुमारी बैंक लिमिटेडले, आफ्नो नवीनतम डिजिटल उपकरण, रिकरिङ्ग...

निसीखोला बस दुर्घटना : नौ जनाको मृत्यु, २८ घाइते   

निसीखोला बस दुर्घटना : नौ जनाको मृत्यु, २८ घाइते   

वि.सं.२०८० चैत ६ मंगलवार ०६:४६

ढोरपाटन (बागलुङ), ६ चैत : बागलुङ बस दुर्घटनामा ज्यान गुमाउनेको...

साझा न्यूनतम कार्यक्रम आज सार्वजनिक गरिँदै   

साझा न्यूनतम कार्यक्रम आज सार्वजनिक गरिँदै   

वि.सं.२०८० चैत ६ मंगलवार ०६:४२

काठमाडौँ, ६ चैत : सत्तारुढ दलहरूले आगामी आर्थिक वर्षका निम्ति...