काठमाडौं । ग्रामीण विकास लघुवित्तको ५ लाख ८२ हजार ८ सय ४४ कित्ता लिलामी सेयरको बोलपत्र भोलि सोमबार (साउन २० गते) खोलिने भएको छ ।
बिक्री प्रबन्धक एनआइबीएल एस क्यापिटलको कार्यालय लाजिम्पाटमा बिहान ११ बजे बोलपत्र खोल्ने कार्यक्रम रहेको छ । ग्रामीणले साउन ८ गतेदेखि १५ गतेसम्म लिलामी सेयर बिक्री खुला गरेको थियो ।
कम्पनीले १ः०.५ अनुपातमा ३२ लाख ७५ हजार कित्ता हकप्रद सेयर बिक्री खुला गरिएकोमा २६ लाख ९२ हजार १ सय ५६ कित्ता सेयरका लागि आवेदन दिएको हो । त्यसबेला बिक्री हुन बाँकी रहेको ५ लाख ८२ हजार ८ सय ४४ कित्ता सेयर साउन ८ गतेदेखि १५ गतेसम्म लिलामीमा ल्याइएको हो ।
सेयर बिक्रीपछि यसको चुक्ता पुँजी ९८ करोड २५ लाख रुपैयाँ पुग्नेछ ।
२०७६ साउन १९ गते प्रकाशित
वि.सं.२०७६ साउन १९ आइतवार १५:०७ मा प्रकाशित
