बागलुङ । बागलुङमा खपतभन्दा बढि दुध उत्पादन हुने गरेको छ । पछिल्लो समयमा उन्नत जातका गाई तथा भैसी पालन गर्न थालेपछि दूध उत्पादनमा वृद्धि भएको हो ।
जिल्लामा खपत हुने भन्दा उत्पादन धेरै हुनथालेपछि निर्यात हुन थालेको छ । गत आर्थिक वर्षमा ४ करोड रुपैयाँ बरावरको दुध निर्यात भएको भेटेरेनरी अस्पताल तथा पशुसेवा विज्ञ केन्द्र बागलुङ जानकारी दिएको छ ।
पछिल्लो समयमा ग्रामीण भेगमा हुँदै आएको निर्वाहमुखी पशुपालन घटे पनि व्यावसायिक रूपमा दूध उत्पादन गर्ने किसानको भने वृद्धि भएको छ । स्थानीय र प्रदेश सरकारले विभिन्न अनुदानका कार्यक्रम ल्याएसँगै पशुपालनप्रति किसानको आकर्षण बढ्दै गएको वरिष्ठ पशु विकास अधिकृत डा. शम्भुराज पाण्डेले बताउनुभयो ।
जिल्लामा वार्षिक प्रतिव्यक्ति ९१ लिटर दूध आवश्यक हुनेमा ९३ लिटर उत्पादन भएको छ । वार्षिक ६६ हजार ९ सय लिटर दूध आवश्यक पर्दछ । तर, ६८ हजार ४ सय लिटर उत्पादन भएपछि दैनिक १ हजार ५ सय लिटर दूध बाग्लुङबाट निर्यात हुने गरेको छ । छिमेकी जिल्ला पर्वत तथा गुल्मीमा दूध निर्यात हुँदै आएको छ ।
जिल्लामा विशेषगरी बागलुङ नगरपाकिा बलेवाको अमलचौर, जैमिनी नगरपालिकाको दमेक र टुनिबोट, काठेखोला गाउँपालिकाको भीमापोखरा, बिहुँ, लेखानी, पालालगायत क्षेत्र र बाग्लुङ सदरमुकाम नजिकै मालिका, मूलपानी, कालिमाटी क्षेत्रमा व्यावसायिक रूपमा दूध उत्पादनका लागि फर्म सञ्चालनमा छन । त्यस्तै, पश्चिमको गलकोट र खरवाङ क्षेत्रमा पनि किसान गाईभैँसीपालनतर्फ आकर्षित भएका छन ।
२०७६ साउन २२ गते प्रकाशित
वि.सं.२०७६ साउन २२ बुधवार १२:३१ मा प्रकाशित
