काठमाडौं । लाइफ इन्स्यारेन्स कर्पोरेशन (नेपाल) ले ७० प्रतिशत लाभांश वितरण गर्ने प्रस्ताव पारित गरेको छ । काठमाडौंमा शुक्रावर सम्पन्न कम्पनीको १७ औं वार्षिक साधारण सभाले पारित गरेको हो ।
कम्पनीले आर्थिक वर्ष २०७४/७५ को मुनाफाबाट हाल कायम चुक्ता पूँजीको आधारमा ३४.४६ प्रतिशत बोनस शेयर र ३५.५४ प्रतिशत नगद लाभांश दिने प्रस्ताव पारित गरेको छ ।
कम्पनीले बोनस शेयर वितरणपश्चात कायम हुन आउने दशमलव पछिको अंकलाई सम्वन्धित शेयरधनीको नाममा पछि समायोजन गर्ने गरी यथावत राख्ने प्र्रस्तावलाई समेत पारित गरेको कम्पनीले जनाएको छ ।
सोहीअवसरमा आव २०७५/७६ को लेखापरीक्षण गर्नका लागि लेखापरीक्षक मदन निरौलालाई पुनः नियुक्ति दिएको छ । कम्पनीले साधारण सभा प्रयोजनका लागि साउन ९ गतेदेखि बुक क्लोज गरेकोले सो लाभांश साउन ८ गते बुधवारसम्म कायम सदस्यहरुले मात्र पाउने भएका छन् ।
सभाले कम्पनीको रजिष्टर (कर्पोरेट) कार्यालय पुतलीसडक स्थित स्टार मलको चौथो तल्लामा रहने प्रस्तावलाई पारित गरेको छ । हाल कम्पनीको चुक्तापूँजी . १ अर्ब ४९ करोड ४८ लाख ३८ हजार रुपैयाा रहेको छ ।
प्रस्तावित ३४ दशमलव ४६ प्रतिशत बोनस शेयर पश्चात कम्पनीको चुक्तापूँजी रू. २ अर्ब ९९ लाख ५९ हजार पुग्नेछ ।
२०७६ साउन २४ गते प्रकाशित
वि.सं.२०७६ साउन २४ शुक्रवार १४:५५ मा प्रकाशित
