काठमाडौं । गएको असार २७ देखि २९ गतेसम्म ३ दिन भएको वर्षात्का कारण देशभर २ अर्ब ११ करोड २२ लाख रुपैयाँको क्षति भएको छ ।
बर्षातसँगै आएको बाढीले सबैजसो प्रदेशमा नदी तथा नहर कटान गरेकोमा क्षतिग्रस्त संरचनाको दीर्घकालीन पुनर्निर्माण गर्न उक्त रकम लाग्ने ऊर्जा, जलस्रोत तथा सिँचाइ मन्त्रालयले पत्रकार सम्मेलनमार्फत बिहीवार जानकारी दिएको हो ।
बाढीले प्रदेश २ का संरचनामा सबैभन्दा बढी, साथै प्रदेश १, ३, ५ र सुदूरपश्चिम प्रदेशमा पनि क्षति र्पुयाएको विवरण मन्त्रालयले दिएको छ ।
क्षतिको आपतकालीन व्यवस्थापनमा जलस्रोत तथा सिँचाइ विभागमार्फत ५ करोड रुपैयाँ खर्च भएको छ । सो रकमबाट बाँसका बाटा ठड्याउने, तेस्र्याउने, बोरामा माटो भरेर ग्याबलिन जालीको प्रयोग गरी तटबन्ध गर्ने जस्ता काम गरिएकोे मन्त्रालयले बताएको छ ।
तत्कालीन मर्मतलाई ३८ करोड २२ लाख रुपैयाँ आवश्यक रहेको मन्त्रालयको आकलन छ, आर्थिक अभियानमा समाचार छ।
२०७६ साउन ३१ गते प्रकाशित
वि.सं.२०७६ साउन ३१ शुक्रवार ०७:१३ मा प्रकाशित
