कृषि उत्पादनमा यसरी फड्को मार्दै मकवानपुरगढी, दूध विक्री बाटै दैनिक १० लाख

हेटौंडा । मकवानपुरगढी गाउँपालिकाबाट मासिक ३ करोड बराबरकोे दूध विक्री हुने गरेको छ । सहकारीमार्फत मात्रै दैनिक १० हजार लिटर दूध विक्री हुँदै आएको छ ।

संकलकमार्फत पनि दूध विक्री हुने गरेको छ । गाउँपालिकाका प्रमुख प्रशासकीय अधिकृत भीम परियारका अनुसार सहकारी तथा संकलकमार्फत विक्री हुने दूधबाट गाउँपालिकामा दैनिक १० लाख रुपैयाँ भित्रिने गरेको छ । दूधबाहेक गाउँपालिकाबाट केरा, मकै, कोदो, अदुवालगायत कृषिउपज विक्री हुने गरेको छ ।

‘गाउँपालिका व्यावसायिक र आधुनिक कृषितर्फउन्मुख हुँदै गएको छ, उत्पादनमा उल्लेख्य वृद्धि भएको छ’, उहाँले भन्नुभयो । कृषिमार्फत समृद्ध हुने ठानेर कृषिमा आधुनिकीकरण गरी उत्पादन वृद्धि गर्ने लक्ष्य लिएको गाउँपालिकाका अध्यक्ष विदुर हुमागाईंले बताउनुभयो ।

गाउँपालिकाले प्रदेश सरकारको सहयोगमा माटो र गोबर परीक्षण केन्द्र सञ्चालनको तयारी गरेको छ । पशु आहाराका लागि दाना उद्योग सञ्चालनको समेत तयारी भइरहेको उहाँ बताउनुहुन्छ । गाउँपालिकामा हाल ३० ओटा ठूला गाईपालन केन्द्र सञ्चनमा छन ।

मकवानपुरगढी गाउँपालिकाको दोस्रो ठूलो उत्पादन यहाँको मालभोग प्रजातिको केरा हो । आधुनिक खेती प्रणालीमार्फत मकवानपुरगढीमा दैनिक लाखौं रुपियाँको तरकारी, केरालगायत उत्पादन विक्रीका लागि अन्यत्र लैजाने गरिन्छ ।

राज्मा, बोडी, मास, सिमी, भटमास तथा विभिन्न प्रकारका मौसमी एवं बेमौसमी तरकारी यहाँ प्रशस्त उत्पादन हुने गरेको छ ।-रासस

२०७६ भदौ २ गते प्रकाशित

२०७६ भदौ २ गते १३:१८ मा प्रकाशित

You can share this post!

हेटौँडा सिमेन्ट उद्योग आठ दिन ठप्प, ३ करोड ८४ लाख घाटा

यूनाइटेड इन्स्योरेन्सको २४०% हकप्रद भोलि (मंगलवार) देखि विक्रीमा

Related posts