खोटाङ । सार्वजनिक सवारी साधनमा बजाइने गीतरसंगीतको रोयल्टी सम्बन्धित श्रष्टाले पाउने व्यवस्थासहितको विधेयक १ नम्बर प्रदेश सरकारले पास गरेको छ ।
प्रदेश सरकारबाट बिहीबार संशोधनसहित पारित गरिएको सार्वजनिक सवारी तथा यातायात व्यवस्था गर्न बनेको विद्येयकमा हरेक सवारी साधनमा बजाइने गीत/संगीतको रोयल्टी सम्बन्धित श्रष्टाले पाउने व्यवस्था समेत समावेश गरिएको प्रदेशसभा सदस्य राजन राईले बताउनुभयो ।
कुल १८१ दफा रहेको विद्येयकमा ‘सार्वजनिक सवारी साधनहरुले तोकिए बमोजिम संगीत रोयल्टी दस्तुर बुझाउनु पर्ने छ’ भन्ने दफा थप गरिएको छ ।
‘प्रदेशमा सार्वजनिक सवारी साधनमा बजाइने गीत/संगीतको रोयल्टी दस्तुर बुझाउनका लागि बाटो खुलेको छ,’ प्रदेशसभा सदस्य राईले भन्नुभयो, ‘अहिलेलाई यो ऐनका रुपमा समावेश भएको छ ।
पछि नियमावलीका रुपमा आउँछ। अब कला, साहित्य र संगीतमा लाग्ने श्रष्टाहरुको सुदिन आउने कुरामा म बिश्वस्त छ ।’ गीत/संगीत लगायतका बौद्धिक श्रष्टाको श्रम शोषण भइरहेको भन्दै प्रदेशसभा सदस्य राईले प्रदेश संसदमा रोयल्टी दस्तुरको आवाज उठाउँदै आउनुभएको थियो ।
सवारी साधनमा गीत/संगीत बजाए वापतको रोयल्टी नेपाली श्रष्टालाई दिने व्यवस्थाका लागि १ नम्बर प्रदेश सरकारले ऐतिहासिक कदम चालेको प्रदेशसभा सदस्य राईले बताउनुभयो ।
‘गीतरसंगीतको रोयल्टी पाउनु श्रष्टाको अधिकार हो, माग होइन,’ राईले भन्नुभयोे, ‘यसका लागि सरकारले बौद्धिक समुदायको स्यावाबासी पाउनेगरी योगदान दिन आवश्यक छ ।’-नागरिक दैनिकबाट
२०७६ भदौ २७ गते प्रकाशित
वि.सं.२०७६ भदौ २७ शुक्रवार १५:०१ मा प्रकाशित