काठमाडौं । संस्कृति, पर्यटन तथा नागरिक उड्डयन मन्त्री योगेश भट्टराईलाई शनिबार नेपालगञ्ज विमानस्थलमा दुर्व्यवहारको प्रयास भएको छ ।
कैलालीको एक कार्यक्रममा सहभागी भएर काठमाडौं फर्कनेक्रममा धनगढीमा विमान छुटेका कारण नेपालगञ्जबाट काठमाडौं आउने क्रममा केही ढिला विमानस्थल पुग्नुभएका मन्त्री माथी ४/५ जनाको समुहले अपशब्द प्रयोग गर्दै दुर्व्यवहार गर्न खोजेको मन्त्री भट्टराईले जानकारी दिनुभयो । आफुमाथी आक्रोश पोख्दै गालीगलौजमा उत्रिएका व्यक्तिहरुमध्य केहीले पारसका विरुद्ध सात लाख हस्ताक्षर संकलन गरी दरवारमा बुझाएर दुःख दिएको कुरा विर्सन नसकेको समेत बताएको मन्त्रीले फेसबुक स्टाटस मार्फत जानकारी दिनुभएको छ ।
मन्त्री भट्टराईले आइतबार प्रतिनिधिसभाको बैठकमा आफुले जवाफ दिनुपर्ने भएकाले बाध्यात्मक परिस्थितिमा बुद्ध एयरसंग अनुरोध गरी नेपालगञ्जबाट काठमाडौं आउनुपरेको बताउनुभएको छ । उहाँले निर्धारित समयभन्दा १५ मिनेट ढिला पुगेकोमा यात्रुहरुमा पर्न गएको असुविधाप्रति माफी माग्नुभएको छ ।
हेर्नुहोस मन्त्रीको भनाई जस्ताको तस्तै
मन्त्रीमाथी दुर्व्यवहार गर्नेको समुह राजतन्त्रको वकालत गर्ने ज्ञानेन्द्र शाहीको समुह रहेको पुष्टि भएको छ । शाहीले आफ्नो फेसबुक वालमा एक घण्टा विमान रोकेका कारण आफुहरुले बैचारिक रामधुलाई गरेको भन्दै भिडियो सार्वजनिक गर्नुभएको छ ।
हेर्नुहोस शाहीको भिडियो सहितको स्टाटस जस्ताको तस्तै
२०७६ भदौ २८ गते प्रकाशित
वि.सं.२०७६ भदौ २८ शनिवार २२:२५ मा प्रकाशित
