नागरिक लगानी कोषको ५० हजार कित्ता सेयर लिलामी भर्ने आज अन्तिम दिन

काठमाडौं । लाइफ इन्सुरेन्स कर्पोरेसन (एलआइसी) नेपालले बिक्री खुला गरेको नागरिक लगानी कोषको ५० हजार कित्ता सेयर लिलामी भर्ने सोमबार (कात्तिक १८ गते) अन्तिम दिन हो ।

सोमबार कार्यालय समयसम्म मात्र यसमा आवेदन दिन सकिनेछ । कम्पनीले असोज २८ गतेबाट संस्थापक समूहको सेयर बिक्री खुला गरेको हो ।

लगानीकर्ताले यसमा न्यूनतम १५ सय ९५ रुपैयाँलाई आधार मानेर प्रतिस्पर्धात्मक बोलकबोलमा सहभागी हुनुपर्नेछ ।
यसमा बैंक तथा वित्तीय संस्था र बीमा कम्पनीहरुले मात्र आवेदन दिन सक्नेछन। न्यूनतम १०० कित्तादेखि अधिकतम सबै ५० हजार कित्तासम्म आवेदन दिन सकिनेछ ।

लगानीकर्ताले बिक्री प्रबन्धक नेपाल एसबिआई मर्चेन्ट बैंकिङ, हात्तिसार काठमाडौं र लाइफ इन्सुरेन्स कर्पोरेसन (एलआइसी) नेपालको केन्द्रीय कार्यालय पुतली सडक काठमाडौंबाट आवेदन दिन सक्नेछन।

यसैगरी, नेपाल एसबीआई बैंकको विराटनगर, विर्तामोड, वीरगञ्ज, जनकपुर, हेटौडा र नारायणघाट शाखाबाट पनि आवेदन दिन सकिनेछ ।

एसबीआईकै पोखरा, बाग्लुङ, बुटवल, दाङ, नेपालगञ्ज, सुर्खेत, धनगढी र महेन्द्रनगर शाखा कार्यालयबाट पनि आवेदन दिन पाइनेछ ।

२०७६ कात्तिक १८ गते प्रकाशित

२०७६ कार्तिक १८ गते ११:५८ मा प्रकाशित

You can share this post!

डेपुटी गर्भनर श्रेष्ठ निलम्बनमा, ३ सदस्यीय छानबिन समिति गठन

सरकारद्वारा रक्सी लिलामीमा, महंगो रक्सी अव सस्तोमा किन्नुहोस !

Related posts