काठमाडौं । पृथ्वीमा २०० मुलुकहरु छन । तर याहाँका जनताको आम्दानीका आधारमा केही मुलुकहरु विश्वकै धनी बन्न सफल भएका छन । यहाँ प्रस्तुत गरिएको छ विश्वका सर्वाधिक धनी मुलुक:
१. कतारः
यो मुलुकमा विशाल मात्रामा तेलको भण्डार रहेको छ । जीडीपी प्रति व्यक्ति आयका आधारमा यो मुलुक विश्वकै धनी रहेको छ । यो मुलुकको बेरोजगारी दर पनि ०.४ प्रतिशत मात्रै रहेको छ । याहाँका नागरिकको प्रतिव्यक्ति आय पनि वार्षिक १ लाख २४ हजार डलर रहेको छ ।
२. लक्जेम्बर्गः
यो मुलुकमा ६ लाख मात्रै जनसंख्या रहेको छ । याहाँको बेरोजगारी दर ५ प्रतिशत रहेको छ । यो मुलुकको आम्दानीको प्रमुख स्रोत भनेको स्टिल उत्पादन र अन्तर्रा्ष्ट्रिय बैंकिङ रहेको छ । घना जंगलले पनि स्थानिय व्यवसायलाई सहयोग गर्दै आएको छ । याहाँका नागरिकको जीडीपी प्रतिव्यक्ति आय १,०९,१९० डलर रहेको छ ।
३. सिंगापुरः
यो सानो टापु मुलुक विश्वकै धनी मुलुकको रुपमा सधै प्रतिस्पर्धीको रुपमा रहन सफल भएको छ । याहाँका नागरिकको जीडीपी प्रति व्यक्ति आय ९० हजार ५३० डलर रहेको छ ।
४.स्वीट्जरल्यान्डः
यो सानो मुलुक पहाडै पहाडले घेरिएको छ । याहाँको जनसंख्या केबल ९० लाख रहेको छ भने जीडीपी प्रति व्यक्ति आय ८० हजार डलर रहेको छ ।
५. ब्रुनाईः
यो मुलुक सांस्कृतिक सम्पदाको रुपमा धनी रहेको छ । यो मुलुक सिंगापुरपछि दक्षिणपूर्वी एसियामा दोस्रो सर्वा्धिक विकसित मुलुक हो । याहाँको जीडीपी प्रति व्यक्ति आय ७६ हजार डलर भन्दा बढी रहेको छ ।
६. नर्वेः
यो मुलुक बस्नका लागि विश्वकै खुसी मात्रै नभएर विश्वका धनी मुलुकहरु मध्येमा पनि पर्छ । याहाँको जीडीपी प्रति व्यक्ति आय ७४ हजार ८८२ डलर रहेको छ ।
७. आयरल्यान्डः
यो मुलुक आर्थिक सहयोग र विकासका लागि संगठन (ओईसीडी) को सदस्य रहेको छ । यो मुलुकको रोजगारीको अवस्था बलियो रहेको छ । याहाँका जनताको जीडीपी प्रति व्यक्ति आय ७२ हजार ६३० डलर रहेको छ ।
८. कुवेतः
तेलको मूल्यमा आएको गिरावटबाट केही मुलुकहरु प्रभावित भए पनि कुवेत भने बलियो अवस्थामा रहेको छ । यो मुलुकको जीडीपी प्रति व्यक्ति आय ७० हजार डलर रहेको छ ।
९. संयुक्त अरब इमिरेट्सः
संयुक्त अरब इमिरेट्स ७ ओटा अरेबिक राज्यहरु मिलेर बनेको छ । दुबई यसको सर्वा्धिक जनसंख्या भएको सहर हो । याहाँको जीडीपी प्रति व्यक्ति आय ६८ हजार २५० डलर रहेको छ ।
१०. हङकङः
विश्वकै समृद्ध मुलुकको सूचीमा हङकङ १० औं स्थानमा रहेको छ ।
२०७६ कात्तिक १८ गते प्रकाशित
वि.सं.२०७६ कात्तिक १८ सोमवार १३:४४ मा प्रकाशित