आलमको थुनछेक वहस सुरू, कस्तो सजायको आउला आदेश ?

काठमाडौं । रौतहट बम विस्फोट प्रकरणमा पक्राउ परेका निलम्बित सांसद मोहम्मद अफताब आलमको बयान सकिएसँगै थुनछेक बहस सुरु भएको छ ।

जिल्ला अदालत रौतहटले आलमसँग तीन दिन लगाएर बयान लिएको हो । आलमको बयान सकिएसँगै बिहीबारदेखि थुनछेक बहस सुरु भएको हो ।

जिल्ला अदालत रौतहटका न्यायाधीश दीपक ढकालको इजलासमा थुनछेक बहस चलिरहेको जिल्ला अदालत रौतहटका श्रेस्तेदार गुणराज पराजुलीले उज्यालोलाई जानकारी दिनुभयो ।

अहिले मुद्धाको पछमा जिल्ला न्यायाधीवक्ता खडिन्द्रराज कटुवालले बहस गरिरहनुभएको छ । आलमलाई तीन दिन लगाएर ५२ प्रश्न सोधिएको छ ।

पहिलो दिन ९ वटा प्रश्न सोधिएकोमा दोस्रो दिन २५ वटा र तेस्रो दिन २६ वटा प्रश्न सोधिएपछि आलमको बयान सकिएको हो । अदालतमा आलमले आफूमाथि लागेको आरोपको इन्कारी बयान दिएका छन ।

आलममाथि कर्तव्य ज्यान, ज्यान मार्ने उद्योग र बम विस्फोट गरी तीन वटा अभियोगमा मुद्दा दायर भएको छ । २०६४ साल चैत्र २७ गते पहिलो संविधानसभा चुनावको अघिल्लो दिन आलमका काका शेष इद्रिसको गोठमा बम विस्फोट हुँदा घाइते तथा मृत्यु भएकालाई इँटाभट्टामा हालेर जलाएको आरोपमा गएको असोज २६ गते नेता आलमलाई प्रहरीले पक्राउ गरेको थियो ।

आलमलाई ३२ वर्ष कैद माग गर्दै जिल्ला सरकारी वकिल कार्यालयले सोमबार जिल्ला अदालतमा मुद्धा दर्ता गरेको थियो ।
आलमको पक्षबाट बहस गर्न २५ जना कानुन व्यवसायीले वकालतनामा भरेका छन । थुनछेकको बहस सुरु भएकाले अब बहसपछि मात्रै आलमलाई कस्तो सजाय दिने भन्नेबारे अदालतले आदेश दिने छ ।

२०७६ कात्तिक २१ गते प्रकाशित

२०७६ कार्तिक २१ गते १५:०२ मा प्रकाशित

You can share this post!

ओमको १ करोड ९१ लाख १५ हजार ७९० कित्ता सेयर सूचिकृत, रेन्ज कति ?

२७ वाणिज्य बैंकमध्ये १९ वटाले गरे लाभांश घोषणा, कस्को कति ? (सूचि सहित)

Related posts