काठमाडौं । नेपाल स्टक एक्सचेन्ज (नेप्से)मा कारोबार हुने २८ कम्पनीले मंसिर लागिसक्दा पनि नविकरण शुल्क बुझाएका छैनन् ।
आर्थिक वर्ष सकिएसँगै नेप्सेमा सुचिकृत हरेक कम्पनीले आफ्नो कम्पनी नविकरण गर्नुपर्छ। नविकरण नगरे नेप्सेले शेयर कारोबार बन्द गर्छ ।
नेप्सेले कम्पनी नविकरणका लागि तीन महिनाको समय दिएको थियो। उक्त समयमा जम्मा ४० कम्पनीले मात्रै शुल्क बुझाएर कम्पनीको नविकरण गराए भने बाँकी कम्पनीको शेयर कारोबार बन्द भयो ।
नविकरण गरिसक्नु पर्ने समय वितेको एक महिना वितिसक्दा पनि २८ कम्पनीले अझै नविकरण गरेका छैनन। नविकरण नहुँदा सम्बन्धित कम्पनीका शेयरधनिहरुले शेयर कारोबार गर्न पाएका छैनन। यसले शेयर लगानीकर्ताहरुलाई असुविधा परेको छ ।
यसरी नविकरण शुल्क नबुझाउने कम्पनीहरुमा एउटा माइक्रोफाइनान्स, दुई वटा ट्रेडिङ कम्पनी, १० उत्पादन कम्पनी, ६६ विकास बैंक र माइक्रोफाइनान्स, २ जलविद्युत र एउटा अन्य समूहका कम्पनीहरु छन ।
२०७६ मंसिर ०९ गते प्रकाशित
वि.सं.२०७६ मंसिर ९ सोमवार १३:५९ मा प्रकाशित