काठमाडौं। कैलाश विकास बैंकले गत आर्थिक वर्षको नाफाबाट १८.७७ प्रतिशत लाभांश दिने घोषणा गरेको छ । बैंकले पुँजीको १६ प्रतिशत बोनस शेयर र बोनस शेयरमा लाग्ने कर प्रयोजन सहित २.७७ प्रतिशत नगद लाभांश दिने भएको हो ।
सञ्चालक समितिको सोमबारको बैठकले आगामी २६ औं वार्षिक साधारणसभामा पेश गर्ने गरि उक्त लाभांश घोषणा गरेको हो । नेपाल राष्ट्र बैंकले अनुमति दिएपछि बैंकले साधारणसभा बोलाउने छ ।
बैंकको हालको चुक्ता पुँजी २ अर्ब ५२ करोड रूपैयाँ छ। ४० करोड ३२ लाख रूपैयाँ बोनस शेयर पछि बैंकको चुक्ता पुँजी २ अर्ब ९२ करोड रुपैयाँ पुग्नेछ ।
बैंकले गत वर्षको भन्दा लाभांश दरलाई बढाएको छ। गत वर्ष नगद मात्रै दिएको बैंकले यो वर्ष पुँजी बढाउन बोनस शेयर दिएको हो ।
२०७६ मंसिर १० गते प्रकाशित
वि.सं.२०७६ मंसिर १० मंगलवार १४:२१ मा प्रकाशित
