मनपरी बीमालेख जारी गर्ने प्रवृत्तिलाई व्यवस्थित गर्न मार्गदर्शन जारी गर्दै समिति

काठमाडौं । बीमा समितिले बैंकहरुले बिक्री गरिरहेको बीमालेखलाई ब्यवस्थित गर्न मार्गदर्शन जारी गर्ने भएको छ । बढिमा अर्को साताको सुरुमै समितिले मार्गदर्शन जारी गरेर मनपरी बीमालेख जारी गर्ने प्रबृत्तिलाई ब्यवस्थित गर्न लागेको हो ।

’बैंकहरुले पनि बीमा भनेर ल्याइरहेका छन्। यसलाई ब्यवस्थित गर्न खोजेका छौं,’ समिति स्रोतले भन्यो, ’अबदेखि बीमा कम्पनीको नाम उल्लेख नगरी प्रचारप्रसार गर्न पाइँदैन ।’

बैंकहरुले जारी गर्ने बीमालेखहरुमा निक्कै अप्रष्टता रहेको भन्दै समितिले ती बिषयहरुलाई पनि संवोधन गर्न लागेको छ ।
जस्तो अहिले ब्यक्तिगत दूर्घटना बीमामा कमतिसम्म जोखिम वहन गर्ने भन्ने प्रष्ट छैन। अब त्यसमा समितिले सीमा निर्धारण गर्ने छ ।

अहिले बैंकहरुले ५० हजारदेखि ५ लाखसम्मको ब्यक्तिगत दूर्घटना बीमाको स्किम जारी गरिरहेका छन । ’बैंकहरुले बीमा स्किमको विज्ञापन गर्दा अबदेखि फलानो बीमा कम्पनीसँगको सहकार्यमा भन्ने अनिवार्य रुपमा उल्लेख गर्नु पर्ने ब्यवस्था गरिने छ,’ समिति स्रोतले भन्यो, ’यो शब्द नराखेसम्म विज्ञापन गर्न नपाइने ब्यवस्था हुन्छ ।’

समितिले दुर्घटना बीमा कसरी गर्ने, घातक रोगको बीमा कसरी गर्ने र त्यसको मेडिकल टेस्ट कसरी गर्ने भनेर पनि मार्गदर्शनम उल्लेख गर्ने छ ।

२०७६ मंसिर १७ गते प्रकाशित

२०७६ मंशिर १७ गते १०:०५ मा प्रकाशित

You can share this post!

शिक्षक लाइसेन्स नक्कली भएको आरोपमा शिक्षकविरुद्ध मुद्दा

करारमा नियुक्त गर्ने गरि विभिन्न पदमा कर्मचारी माग, यस्तो छ अवसर (सूचनासहित)

Related posts