काठमाडौं । हिमालयन बैंकले दुई करोड ८३ हजार ४ सय ६० कित्ता एफपिओ निष्कासन गर्ने भएको छ। बैंकले सर्वसाधारण तर्फको शेयर स्वामित्व ३० प्रतिशत कायम गर्ने गरि एफपिओ निष्कासन गर्ने भएको हो ।
नेपाल राष्ट्र बैंकले सर्वसाधारण तर्फको शेयर हिस्सा ३० प्रतिशत र्पुयाउन बैंकलाई एफपिओ निष्कासन गर्न सुझाएको हो। हाल बैंकको संस्थापक तर्फको शेयर स्वामित्व ८५ प्रतिशत र सर्वसाधारण तर्फको १५ प्रतिशत छ।
सर्वसाधारणतर्फ थप १५ प्रतिशत शेयर स्वामित्व र्पुयाउन बैंकलाई थप दुई अर्ब ८३ लाख ४६ हजार १९ रूपैयाँको पुँजी आवश्यक पर्छ । यसका लागि बैंकले थप प्रिमियमसहित एफपिओ निष्कासन गर्न सक्ने राष्ट्र बैंकले जनाएको छ ।
हाल बैंकको चुक्ता पुँजी ८ अर्ब ५२ करोड रूपैयाँ छ । बैंकले गत आर्थिक वर्षको नाफाबाट १० प्रतिशत बोनस शेयर वितरण गर्ने घोषणा गरेको छ ।
२०७६ पुस ११ गते प्रकाशित
वि.सं.२०७६ पुस ११ शुक्रवार १५:३५ मा प्रकाशित