काठमाडौं । साताको पहिलो कारोबारको दिन आइतवार नेप्से कारोबार भएको पहिलो घण्टामा १९ दशमलव ६५ अंकले बढेर १ हजार ३२९ दशमलव ८७ विन्दुमा पुगेको छ ।
१ हजार ३१० दशमलव २७ विन्दुबाट शुरु भएको परिसूचक कारोबारकोे यस अवधिमा १ दशमलव ५० प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये सबै समूहको परिसूचक बढ्दा समग्र नेप्से बढेको हो ।
पहिलो घण्टाको कारोबारमा १६५ ओटा कम्पनीको रू. ४३ करोड ८ लाख बराबरको शेयर कारोबार भएको छ ।
यस अवधिमा शिवम् सिमेन्टको सर्वाधिक कारोबार भएको छ । उक्त कम्पनीको रू. ४ करोड १ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ५६० मा कारोबार भइरहेको छ ।
कारोबार रकमकै आधारमा दोस्रोमा हिमालयन डिष्टिलरीको रू. ३ करोड १७ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ३०९ रहेको छ ।
२०७६ माघ ०५ गते प्रकाशित
वि.सं.२०७६ माघ ५ आइतवार १२:०३ मा प्रकाशित