काठमाडौं । साताको पहिलो दिन पुँजी बजार मापक नेप्से १९.३९ अंकले बढेको छ । नेप्से बढेर १३६३.९७ अंकमा पुगेको छ । आइतवार निर्जीवन बिमा कम्पनी समूहको सूचक सबैभन्दा बढी ४१६.७९ अंकले बढ्यो ।
जीवन बिमा कम्पनी समूहको सूचक पनि ३९८.६९ अंकले उकालो लाग्यो । यसैगरी, लघुवित्त समूहको सूचक पनि ५७.८१ अंकले वृद्धि भयो ।
आज १२ वटा समूह मध्ये ९ वटा समूहको सूचक बढेको छ भने ३ समूहको सूचक घटेको छ । फाइनान्स समूहको सूचक ३.३४ अंक, अन्य समूहको सूचक २.६८ अंक र म्यूचुअल फन्ड समूहको सूचक ०.०६ अंकले ओरालो लाग्यो ।
आइतवार १ अर्ब ९७ करोड ८१ लाख ८ हजार रुपैयाँ बराबरको सेयर कारोबार भएको छ । हिमालयन डिष्टिलरीको सेयर सबैभन्दा बढी १८ करोड ४ लाख रुपैयाँ बराबरको सेयर कारोबार भएको छ ।
दोस्रो बढी रकमको कारोबार शिवम सिमेन्टकोे १३ करोड ५ लाख रुपैयाँ बराबरको सेयर कारोबार भएको छ । तेस्रो बढी कारोबार हुनेमा नेपाल लाइफ इन्स्योरेन्सको उक्त इन्स्योरेन्सको ९ करोड ४७ लाख रुपैयाँ बराबरको सेयर कारोबार भएको छ ।
वि.सं.२०७६ फागुन ४ आइतवार १५:२५ मा प्रकाशित
