काठमाडौैं । सोमबार नेप्से परिसुचक ३४ दशमलब २६ अंकले बढेको छ । आज ६४ लाख ७४ हजार ७ सय ५० कित्ता सेयर किनेबेच हुँदा २ अर्ब ६८ करोड रुपैयाँको कारोबार भएको छ ।
सोमबार कारोबार भएका सबै उपसुचकहरु बृद्धि भएका हुँदा तीन कम्पनीमा सकारात्मक सर्किट ब्रेक लागेको छ । आज पञ्चकन्यामाई हाइड्रोपावर, ङादी ग्रुप पावर लिमिटेड र राष्ट्रिय बीमा कम्पनी लिमिटेडको सेयर मुल्यमा सर्किट ब्रेक लागेको हो ।
सबैभन्दा बढी व्यापार समुहमा ४१ दशमलब ९३ अंक बढेको छ भने बैकिंङ समुह ४१ दशमलब १३ अंक बृद्धि भएको छ । सोमबार शिवम् सिमेन्टको सेयर सबैभन्दा बढी १२ करोड ९४ लाख रुपैयाँ बराबरको सेयर कारोबार भएको छ ।
दोस्रो बढी रकमको कारोबार शिखर इन्स्योरेन्सको ११ करोड २१ लाख रुपैयाँ बराबरको सेयर कारोबार भएको छ ।
तेस्रो बढी कारोबार हुनेमा हिमालयन डिस्टिलरीको १० करोड २९ लाख रुपैयाँ बराबरको सेयर कारोबार भएको छ ।
वि.सं.२०७६ फागुन ५ सोमवार १७:५० मा प्रकाशित
