काठमाडौं । बुधवार नेप्से कारोबार भएको पहिलो घण्टामा १ दशमलव १७ अंकले बढेर १ हजार ४०१ दशमलव १८ विन्दुमा पुगेको छ । १ हजार ३९९ दशमलव ३० विन्दुबाट शुरु भएको परिसूचक कारोबारकोे यस अवधिमा शून्य दशमलव शून्य ८ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये ६ समूहको परिसूचक बढेको छ भने बाँकी ६ समूहको परिसूचक घटेको छ ।
बुधवार पहिलो घण्टाको कारोबारमा १४९ ओटा कम्पनीको २ हजार ६५२ पटकको कारोबारमा ६ लाख ५४ हजार ३२२ कित्ताको रू. २९ करोड ४३ लाख बराबरको शेयर कारोबार भएको छ ।
यस अवधिमा शिवम् सिमेन्टको सर्वाधिक कारोबार भएको छ । उक्त कम्पनीको रू. ५ करोड ४० लाख बराबरको शेयर कारोबार भएको छ । सो समयमा कम्पनीको शेयर मूल्य रू. ६३० मा कारोबार भइरहेको छ ।
वि.सं.२०७६ फागुन ७ बुधवार १२:१४ मा प्रकाशित
