काठमाडौं । बुधवार नेप्से कारोबार भएको दोस्रो घण्टामा २ दशमलव ३७ अंकले घटेर १ हजार ३९७ दशमलव ६४ विन्दुमा पुगेको छ । १ हजार ३९९ दशमलव ३० विन्दुबाट शुरु भएको परिसूचक कारोबारकोे यस अवधिमा शून्य दशमलव १७ प्रतिशत घटेको हो ।
यस अवधिसम्म कारोबारमा आएका १२ समूहको परिसूचकमध्ये होटल्स, विकास बैंक, उत्पादन तथा प्रशोधन, अन्य र लघुवित्त समूहको परिसूचक बढेको छ भने बाँकी ७ समूहको परिसूचक घटेको छ । दोस्रो घण्टाको कारोबारमा १६८ ओटा कम्पनीको रू. ५९ करोड ५५ लाख बराबरको शेयर कारोबार भएको छ ।
यस अवधिमा शिवम् सिमेन्टको सर्वाधिक कारोबार भएको छ । उक्त कम्पनीको रू. ६ करोड ५१ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ६२५ मा कारोबार भइरहेको छ ।
कारोबार रकमकै आधारमा दोस्रोमा ग्रामीण विकास लघुवित्तको रू. ३ करोड २९ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ५१७ रहेको छ ।
वि.सं.२०७६ फागुन ७ बुधवार १३:०१ मा प्रकाशित