काठमाडौं । बिहीवार नेप्से कारोबार भएको तेस्रो घण्टामा १९ दशमलव ३६ अंकले बढेर १ हजार ४२४ दशमलव ६१ विन्दुमा पुगेको छ । १ हजार ४०५ दशमलव ५१ विन्दुबाट शुरु भएको परिसूचक कारोबारकोे यस अवधिमा १ दशमलव ३८ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये व्यापार, अन्य र म्युचुअल फण्ड समूहको परिसूचक घटेको छ भने बाँकी ९ समूहको परिसूचक बढ्दा समग्र नेप्से बढेको हो । तेस्रो घण्टाको कारोबारमा १७७ ओटा कम्पनीकोे रू. १ अर्ब ८४ करोड बराबरको शेयर कारोबार भएको छ ।
यस अवधिमा शिवम् सिमेन्टको सर्वाधिक कारोबार भएको छ । उक्त कम्पनीको रू. १२ करोड ८८ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ६६९ मा कारोबार भइरहेको छ ।
कारोबार रकमकै आधारमा दोस्रोमा हिमालयन डिष्टिलरीको रू. ९ करोड ७४ लाख बराबरको शेयर कारोबार भएको छ । सो समयमा कम्पनीको शेयर मूल्य रू. १ हजार ६०८ रहेको छ ।
वि.सं.२०७६ फागुन ८ बिहीवार १४:०६ मा प्रकाशित