काठमाडौं । निजामति कर्मचारीले राष्ट्रिय कोषमा ३ देखि ७ दिनसम्मको तलब उपलब्ध गराउने भएका छन् ।
सरकारले कोरोना भाइरस संक्रमण रोकथाम, नियन्त्रण तथा उपचारमा सहयोगार्थ निर्माण गरेको कोषमा कर्मचारीहरूको ३ देखि ७ दिनको तलब राष्ट्रिय वाणिज्य बैंकमा रहेको खातमा जम्मा गर्ने छन् ।
राजपत्रांकित विशिष्ठ र प्रथम श्रेणी (मुख्यसचिव, सचिव र सहसचिव)को हकमा शुरू तलबको ७ दिनको तलब, राजपत्रांकित द्वितीय र तृतीय श्रेणीका कर्मचारीको ५ दिनको तलब तथा राजपत्र अंकित र श्रेणीबिहीन कर्मचारी शुरू तलबको ३ दिनको तलब कोषमा जम्मा गर्ने मुख्यसचिव लोकदर्शन रेग्मीले हस्ताक्षर गरेको निर्णयमा उल्लेख छ ।
वि.सं.२०७६ चैत १४ शुक्रवार १२:२० मा प्रकाशित
