थाइल्याण्ड । यौन व्यवसायमा कार्यरत बैंककमा यौनकर्मीले आफूलाई कोरोना भाइरसको भन्दापनि भोकको डर भएको बताएका छन् ।
रातको समयमा व्यवसायमा रमाउन यौनकर्मीहरुले पहिला लुटेराहरुको डर भएको तर अहिले कोरोना भाइरसका कारण व्यवसायमा समस्या भएकाले आफ्ना रोजिरोटी गुम्ने डर भएको बताएका हुन् ।
थाइल्याण्डमा कोरोना भाइरस संक्रमणका कारण रात्रीकालीन जीवन अस्तव्यस्त बनाएको विदेशी समाचार माध्यमहरुले बताएका छन् ।बैंकक, पटायालगायत यौन तथा मसाज कार्य हुने पार्लर तथा होटलहरु बन्द भएपछि दैनिक जीवन धान्नका लागि यौनकर्मीहरु सडकमा ग्राहक कुर्न बाध्य भएका छन् ।
सरकारको निर्देशनका कारण सुनसान सडकमा निस्किदा कारबाही भोग्नुपर्ने डर त छ नै त्यसमा पनि पर्यटकको आगमन बन्द भएकाले ग्राहक पाउन पनि कठिन भएको यौनकर्मीको गुनासो रहेको समाचार विभिन्न समचार माध्यमले बताएका छन् ।
गत शुक्रबारदेखि थाइल्याण्डको होटल, बार बन्द गरिएका छन् भने राति १० बजेदेखि बिहान ४ बजेसम्मका लागि कर्फ्यू लगाइएको छ ।कोरोना भाइरसकै कारण थाइल्याण्डमा २० जनाको मृत्यु भइसकेको छ भने दुई हजारभन्दा बढीमा संक्रमण देखिएको छ । -एजेन्सी
वि.सं.२०७६ चैत २४ सोमवार ०५:१४ मा प्रकाशित
