तानसेन । कोरोना भाइरसको संक्रमणको आशंकामा पाल्पाबाट पठाएको ३ जनाको स्वाब परीक्षण रिपोट नेगेटिभ आएको छ । पाल्पाबाट कोरोना सक्रमणको आशंकामा शनिबार तीनजनाको स्वाब परीक्षणका लागि पठाएको थियो ।
लुम्बिनी मेडिकल कलेजबाट माथागढी गाउँपालिका ४ झडेवाका २ जना, र पाल्पा अस्पतालबाट, बगनासकाली गाउँपालिका २ पोखराथोकका एकजना गरी तीनजनाको स्वाब परीक्षणका लागि पठाइएको थियो । जिल्लाबाट पठाएको ३ जनाको रिपोट नेगेटिभ आएको पाल्पा अस्पतालका निमित्त प्रमुख डा. पुष्प ज्ञवालीले बताए।
पाल्पाबाट हालसम्म ४ जनाको स्वाब परीक्षणका लागि पठाएको र एकजनाको रिपोट आउन बाँकी रहेको डा. ज्ञवालीले बताए । ३ जनामध्ये २ जनाको लुम्बिनी मेडिकल कलेज र १ जनाको पाल्पा अस्पतालको आइसोलेसन बेडमा राखी उपचार भइरहेको छ ।
३ जनामा उच्च ज्वरो र सुख्खा खोकी देखिएपछि स्वाब परीक्षणका लागि पठाइएको थियो । हाल तीनैजनाको स्वास्थ्य अवस्था सामान्य बन्दै गएको छ।
वि.सं.२०७६ चैत २४ सोमवार १३:१६ मा प्रकाशित
