काठमाडौं । सरकारले कोरोना व्याधि रोकथाम, नियन्त्रणका लागि खटिने स्वयम्सेविकालाई एकपटक खटिएवापत् १५ सय भत्ता उपलब्ध गराउने भएको छ ।
नेपालभर ५० हजार ग्रामीण स्वास्थ्य स्वयमसेविका रहेको तथ्यांक छ । यसअघि उनीहरूलाई भिटामिन ए, पोलियो थोपा खुवाउन वडा नै पिच्छे खटाउँदै आएको थियो ।
आइतबार बसेको कोरोना सङ्क्रमण रोकथा तथा नियन्त्रण उच्चस्तरीय समितिले उनीहरूलाई पनि परिचालन गर्ने निर्णय गरेको थियो ।सरकारले पहिलो चरणमा क्वारेन्टाइनमा बस्नुपर्ने मानिसहरू बसेनबसेको, नियम पालना गरेनगरेको अनुगमन गर्ने महिला स्वयम्सेविका परिचालन गरिने सरकारका प्रवक्ता अर्थ, सञ्चार तथा सूचना प्रविधिमन्त्री युवराज खतिवडाले जानकारी दिनुभयो ।
वि.सं.२०७६ चैत २४ सोमवार १७:४७ मा प्रकाशित