काठमाडौं । सगरमाथा इन्स्योरेन्स कम्पनीले यस वर्ष शेयरधनीलाई लाभांश नदिने भएको छ । आव २०७५/७६ मा मुनाफा भएपनि एनएफआरएस प्रणालीमा बाँडफाँडका लागि योग्य रकम ऋणात्मक रहेकाले उक्त कम्पनीले कुनै पनि लाभांश नदिने भएको हो ।
कम्पनीको जेठ २२ गते बसेको सञ्चालक समितिको बैठकले आव २०७५/७६ को वित्तीय विवरण पारीत गराउँदै लाभांश नदिने निर्णय गरेको हो । कम्पनीले अघिल्लो वर्ष शेयरधनीलाई ८६ प्रतिशत बोनस शेयर वितरण गरेको थियो ।
चालू आवको तेस्रो त्रैमासमा उक्त उक्त कम्पनीले रू. १७ करोड ४१ लाख नाफा कमाएको छ । यो नाफा गत आवको यसै अवधिमा रू. १७ करोड १९ लाख थियो । चुक्तापूँजी रू. १ अर्ब भन्दा बढी रहेको उक्त कम्पनीले जगेडाकोषमा रू. ३४ करोड ४७ लाख सञ्चित गरेको छ ।
वि.सं.२०७७ जेठ २५ आइतवार १२:०२ मा प्रकाशित