काठमाडौं । मालपोत कार्यालय डिल्लीबजारका मालपोत अधिकृत लगायत ६ जना घुस रकमसहित पक्राउ परेका छन् ।
भूमिसुधार तथा मालपोल कार्यालय डिल्लीबजार, काठमाडौंमा कार्यरत कर्मचारीहरुले जग्गाको कित्ताकाट गर्न आदेश गराई दिए बापत सेवाग्राहीसँग घुस लिइरहेको बेला अख्तियार दुरुपयोग अनुसन्धान आयोगले पक्राउ गरेको हो ।
आयोगको टंगालबाट खटिएको टोलीले मालपोत अधिकृत रघुवंश कंडेल, नासु उद्वव सापकोटा, नारायण प्रसाद पोखरेल, नवराज घिमिरे, गोपाल खड्का र खरिदार दिपक खनाललाई पक्राउ गरेको छ। आयोगले सेवाग्राहीबाट लिएको ८ लाख ५० हजार रुपैयाँ घुससहित एक पार्टी प्यालेसबाट पक्राउ गरेको हो ।
टोखा नगरपालिका वडा नं. ९ सामाखुशी चोकस्थित स्काई पार्टी प्यालेस अगाडिबाट नियन्त्रणमा लिई अनुसन्धान भइरहेको अख्तियारले जनाएको छ ।
वि.सं.२०७७ असार ३ बुधवार १४:४५ मा प्रकाशित
