६ दिनमा १४ अर्ब ६५ करोड राजस्व संकलन : ठूला व्यवसायीलाई कर तिर्न फोन मार्फत् नै आग्रह

काठमाडौं । लकडाउनले प्राभावित बनेको राजस्व संकलन पछिल्लो ६ दिनमा १४ अर्ब ६५ करोड रुपैयाँ संकलन भएको छ ।

जेठ एक महिनामा ४० अर्ब ६० करोड रुपैयाँ राजस्व संकलन गरेको सरकारले बैशाखमा भने जम्मा १६ अर्ब रुपैयाँमात्र राजस्व संकलन गरेको महालेखा नियन्त्रकको कार्यालयको तथ्यांक छ ।

कठोर लकडाउन भोगेको वैशाखमा कम राजस्व संकलन भएको थियो । सरकारलाई अहिले खर्च जोहो मै समस्या छ । सरकारले राजस्व उठाउने समय पटक—पटक पछि सारेतापनि पछिल्लो समय असार ७ गतेसम्म राजस्व बुझाउन सूचना जारी गरेको थियो ।

तर, यता सर्वोच्च अदालतले लकडाउन पूर्ण रुपमा खुलेको ३० दिनपछि मात्र कर उठाउन निर्देशन दिएपछि अहिले सरकार दबाब दिएर कर उठाउन सक्ने पक्षमा छैन ।

तर, अर्थमन्त्रालयका पदाधिकारीले ठूला—ठूला व्यवसायीलाई कर तिर्न फोन मार्फत नै आग्रह गर्न थालेका छन् । व्यवसायीले आग्रह पालना गर्दै कर तिर्न थालेका छन् । यता बैंकहरुले पनि कर तिर्ने भनेका छन् ।

२०७७ असार ८ गते १४:२१ मा प्रकाशित

You can share this post!

अत्यावश्यक बाहेक सबै सेवा अनिश्चितकालका लागि बन्द

अत्यावश्यक बाहेक सबै सेवा अनिश्चितकालका लागि बन्द

Related posts