काठमाडौं । सरकारी सेवामा रहेका कर्मचारीको अनिवार्य अवकाशका लागि उमेर हद बढाइएको छ । यसअघि ५८ वर्षमा अनिवार्य अवकाश पाउनेमा अब ६० वर्षमा मात्रै कर्मचारीले अनिवार्य अवकाश पाउनेछन् ।
संघीय मामिला तथा सामान्य प्रशासन मन्त्रालयले प्रस्तुत गरेको निजामती विधयेकमाथि छलफल गर्दै संसदको राज्य व्यवस्था समितिले तयार गरेको प्रतिवेदनमा उमेर हद ६० वर्ष बनाउने उल्लेख छ ।
’निजामती कर्मचारीले ६० वर्ष उमेर पूरा भएपछि अनिवार्य अवकाश पाउने छ,’ प्रतिवेदनमा भनिएको छ । सुरुवाती विधयेकको दफा ५४ लाई संशोधन गर्दै समितिले तयार गरेको प्रतिवेदनमा भनिएको छ, ’उपदफा १ मा जुनसुकै कुरा लेखिएको भए पनि नेपाल स्वास्थ्यबाहेक अन्य सेवाका निजामती कर्मचारीको हकमा देहायको अवधिसम्मका लागि अनिवार्य अवकाश हुने उमेर हद देहायबमोजिम हुनेछ–
क) संवत् २०७७ साल असार मसान्तसम्मका लागि ५८ वर्ष।
ख) संवत् २०७७ साल साउन १ गतेदेखि संवत् २०७९ साल असार मसान्तसम्मका लागि ५९ वर्ष।’
वि.सं.२०७७ असार १६ मंगलवार १३:५३ मा प्रकाशित
