काठमाडौं । अन्तर्राष्ट्रिय वित्त निगम (आईएफसी) ले एनएमबी बैंकलाई झण्डै ३ अर्ब (२ करोड ५० डलर) ऋण दिन लागेको छ । निगम विश्व बैंक अन्तर्गतको एक अंग हो ।
निगम र एनएमबी बैंकबीच मंगलबार ऋण लगानी सम्बन्धी सम्झौतामा हस्ताक्षर भएको छ । एनएमबी बैंकले कृषि जलविद्युत, पूर्वाधार, लघुवित्त, उद्योग, पर्यटन तथा साना तथा मझौला उद्योगमा लगानी गरेर अर्थतन्त्रलाई गति दिइरहेको छ ।
निगमबाट लिइएको ऋण सम्झौताले हरित परियोजना र साना तथा मझौला उद्योगमा कर्जा लगानी विस्तार गर्न सहयोगी भूमिका खेल्ने एनएमबीका प्रमुख कार्यकारी अधिकृत (सीइओ) सुनिल केसीले बताए ।
यो रकम हरित आयोजना र साना तथा मध्यम व्यवसाय प्रवर्धनमा लगानी हुने भएको छ । सन २०२५ मा एनएमबीको एसएमई पोर्टफोलियो १ अर्ब डलर पुग्ने निगमले जनाएको छ । यसबाट आगामी ५ वर्षमा थप ५० हजार नयाँ रोजगारी सिर्जना हुने अपेक्षा निगमको रहेको छ ।
वि.सं.२०७७ असार १६ मंगलवार १८:०० मा प्रकाशित