कोरोना महामारी : फेरि थपिए १२ सय २८ जना नयाँ संक्रमित, उपत्यकामा मात्रै ४४५ जना

काठमडौं । देशभर थप थप १ हजार २२८ जनामा कोरोना संक्रमण पुष्टि भएको छ । पछिल्लो २४ घण्टामा थपिएका १२२८ संगै नेपालमा कुल संक्रमितको संख्या ४२ हजार ८७७ पुगेको छ ।

बिहीबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप १ हजार २२८ जनामा कोरोना संक्रमण पुष्टि भएको जानकारी गराउनुभएको हो ।

प्रवक्ता गौतमका अनुसार आज संक्रमित हुनेमा ३९४ महिला र ८३४ जना पुरुष रहेका छन्। नेपालमा संक्रिय संक्रमितको संख्या १८ हजार ८१३ रहेको छ। पछिल्लो २४ घण्टामा १३ हजार ४१३ जनाको पीसीआर परीक्षण गरिएको थियो।

त्यस्तै पछिल्लो २४ घण्टामा थप ९१७ जना कोरोना संक्रमित निको भएका छन्। योसँगै निको हुनेको संख्या २४ हजार २०७ पुगेको छ । पछिल्लो २४ घण्टामा काठमाडौं उपत्यकामा ४४५ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार, काठमाडौंमा ३५७, भक्तपुरमा ४२ र ललितपुरमा ४६ जनामा संक्रमण पुष्टि भएको हो।

२०७७ भदौ १८ गते १६:२४ मा प्रकाशित

You can share this post!

झनै खुकुलो बनाउँदै निषेधाज्ञा : सार्वजनिक यातायात पनि चल्ने, पर्सीदेखि लागू हुँदैछ यस्तो नयाँ नियम

झनै खुकुलो बनाउँदै निषेधाज्ञा : सार्वजनिक यातायात पनि चल्ने, पर्सीदेखि लागू हुँदैछ यस्तो नयाँ नियम

Related posts