काठमाडौं । बुधवार (चैत १८ गते) दुई लघुवित्त वित्तिय संस्थाहरुले फरक–फरक स्थानमा साधारणसभा गर्ने भएका छन् । उक्त दिन मिर्मिरे लघुवित्त वित्तीय संस्था र महिला सहयात्रा लघुवित्त वित्तीय संस्थाले सभा गर्ने भएका हुन् ।
सभामा मिर्मिरे लघुवित्तले आव २०७६/७७ मुनाफाबाट ९.१९ प्रतिशत बोनस र कर प्रयोजनका लागि ०.४८ प्रतिशत नगद लाभांशको प्रस्ताव पारित गर्नेछ । सभा प्रयोजनाका लागि कम्पनीले चैत १ देखि १४ गतेसम्म बुक क्लोज गरेको छ ।
त्यस्तै, चैत १८ गते महिला सहयात्रा लघुवित्तले पनि सभा गर्ने भएको छ । सभामा आर्थिक वर्ष २०७६/७७ को मुनाफाबाट १० प्रतिशत बोनस र कर प्रयोजनका लागि ०. ५३ प्रतिशत नगद लाभांश वितरण गर्ने प्रस्ताव पारित गर्नेछ ।
सभा प्रयोजनका लागि कम्पनीले चैत ३ देखि १७ गतेसम्म कम्पनीले बुक क्लोज गर्ने भएको छ ।
वि.सं.२०७७ चैत १६ सोमवार १७:१२ मा प्रकाशित
