गैर आवासीय नेपालीलाई नेपालमै लगानी बढाउन प्रधानमन्त्रीको आह्वान

काठमाडौं । प्रधानमन्त्री केपी शर्मा ओलीले नेपालमा लगानी गर्न गैर आवासीय नेपालीहरुलाई आह्वान गर्नुभएको छ ।

नेपालमा अहिले कायम भएको शान्तिपूर्ण र अनुकुल ब्यावसायिक वातावरणको सदुपयोग गर्दै नेपालमा लगानी गर्न र वैदेशिक लगानी भित्र्याउन आग्रह गर्नुभएको छ ।

नववर्ष २०७८ का अवसरमा विभिन्न देशमा रहेका नेपालीहरुलाई जुममार्फत सम्बोधन गर्दै यस्तो आह्वान गर्नुभएको हो ।
प्रधानमन्त्री ओलीले ठूला आयोजनाका लागि संयुक्त लगानी नेपालमा मै गर्नु उपयोगी हुने सन्देश विदेशीसम्म पुर्याउन आग्रह गर्नुभयो । ‘नेपालमा मजदुर र रोजगारदाता मिलेर समस्या सम्बोधन गरिन्छ र हड्ताल हुने अवस्था छैन भन्ने सन्देश आफूरहेको देशका लगानीकर्ताहरुलाई पुर्याइदिनुहोस्’, उहाँले भन्नुभयो ।

प्रधानमन्त्री ओलीले गैर आवासिय नेपालीले राजनीतिक अधिकार बाहेक सबै हक अधिकार समान ढंगले पाउने समेत बताउनुभयो । ‘तपाईहरुले विदेशको नागरिकता लिनुभएको छैन भने स्वदेशमा राजनीतिक अधिकारसमेत पाइन्छ’ उहाँले भन्नुभयो ।

आफू बसेको देश वा जन्मभूमि नेपालमध्ये कहाँको नागरिकता लिने भन्नेमा छनौट गर्ने अधिकार सम्बन्धित व्यक्तिकै रहेको धारणा पनि उहाँको थियो । अमेरिकाकी उपराष्ट्रपति जस्तै आफु पुगेको देशको उच्च ओहोदामा पुग्नसक्ने कुरासम्बन्धी प्रसंगमा प्रधानमन्त्रीले भन्नुभयो, यसतर्फ जाने हो भने पनि शुभकामना छ, त्यसका लागि नेपालीहरुले अवश्य सहयोग पु¥याउने छन्, प्रधानमन्त्रीले भन्नुभयो ।

नेपाली जनता देश भित्र वा बाहिर जहाँ भए पनि सरकारले फरक भावनाले नहेर्नसमेत प्रधानमन्त्रीले बताउनुभयो । ‘वर्तमान सरकार नेपाली डायस्पोराप्रति अत्यन्त प्रेम भाव र सहयोगी भाव राख्तछ र नेपाली हुनुको गौरव कायम रहोस् भन्ने चाहन्छ’, प्रधानमन्त्रीको भनाई छ ।

२०७८ वैशाख २ गते १२:१८ मा प्रकाशित

You can share this post!

नबिल बैंकको ‘एप मा कार्ड इन्ट्रिग्रेसन’ सुविधा सुरु, के-के छन् विशेषता ? (भिडियोसहित)

आईपीओ जारी गर्ने तयारीमा खाद्य बैंक, उत्पादनको बजारीकरणलाई उच्च प्राथमिकता

Related posts