१ करोड राजस्व चुहावट गर्ने ओम सर्जिकलका सञ्चाल र भन्सार प्रतिनिधि विरुद्ध मुद्धा दायर

काठमाडौ । राजस्व अनुुसन्धान विभागले काठमाडौ महानगरपालिका-११ त्रिपुरेश्वर स्थित ओम सर्जिकल कन्सर्न प्रा.लि.का संचालक तथा भन्सार प्रतिनिधि समेत चार जनाले कर छलेको भन्दै मुद्धा दायर गरेको छ ।

उनीहरुले राजस्व चुहावट गरेको अभियोगमा १ करोड ६ लाख ७२ हजार ९०९ रुपैयाँ विगो जफत एवं असुल गरी जरिवाना र कैद सजाय मागदावी लिई वैशाख २ गते (आज) उच्च अदालत पाटनमा मुद्दा दायर गरेको हो ।

प्राप्त सवुद प्रमाणबाट ओम सर्जिकल कन्सर्न प्रा.लि.का संचालक दल बहादुर भण्डारी तथा भन्सार प्रतिनिधि रामबाबु जमकटेलले आपसी मिलेमतोमा न्यूनतम मूल्यको गलत कागजात तयार गरी सोही बमोजिम वास्तविक भन्दा फरक मालवस्तु भन्सार घोषणा गरेको पाइएको छ ।

उनीहरुलाई राजस्व चुहावट (अनुसन्धान तथा नियन्त्रण) ऐन, २०५२ को दफा २ (छ१) बमोजिम बिगो कायम गरी उक्त फर्मका संचालक तथा भन्सार प्रतिनिधिलाई उल्लिखित कसूर अपराधमा राजस्व चुहावट (अनुसन्धान तथा नियन्त्रण) ऐन, २०५२ पहिलो संशोधन–२०७६को दफा २३ (१), २३ (१) को खण्ड (ख), २३ (२) र २३ (४) वमोजिम विगो रकम जफत एवं असुल उपर गरी जरिवाना र कैद सजाय हुन मागदावी उच्च अदालत पाटन ललितपुरमा मुद्दा दायर गरेको विभागले जनाएको छ ।

 

२०७८ वैशाख २ गते १८:५६ मा प्रकाशित

You can share this post!

३० करोड बढी भ्याट छल्ने दुई फर्मविरुद्ध राजस्व अनुसन्धानद्वारा मुद्दा दायर

३० करोड बढी भ्याट छल्ने दुई फर्मविरुद्ध राजस्व अनुसन्धानद्वारा मुद्दा दायर

Related posts