काठमाडौं । साताको पहिलो कारोबार दिन सुनको मूल्य वृद्धि भएको छ । नेपाली बजारमा आज (बेशाख ५ गते) छापावाला सुनको मूल्य तोलामा २ सय रुपैयाँले वृद्धि भएको हो ।
शुक्रबार प्रतितोला ९० हजार ५ सय रुपैयाँमा कारोबार भएको सुनको भाउ आज बढेर ९० हजार ७ सय रुपैयाँ तोकिएको नेपाल सुनचाँदी व्यवसायी महासंघले जनाएको छ । आज तेजावी सुनको मूल्य ९० हजार २ सय रुपैयाँ निर्धारण गरिएको छ ।
त्यस्तै, आइतबार चाँदीको मूल्य भने स्थिर रहेको छ । अघिल्लो कारोबार दिन तोलाको १३ सय रुपैयाँ थियो । आज पनि सोही मूल्यमा खरिदविक्री हुने महासंघले जनाएको छ ।
वि.सं.२०७८ वैशाख ५ आइतवार १०:४८ मा प्रकाशित
