कीर्तिपुर नगरपालिकामा तीन सहकारी एकीकरण

काठमाडौं । कीर्तिपुर नगरपालिकामा पहिलो पटक तिनवटा सहकारी एकिकरण गरिएको छ ।

कीर्तिपुर नगरपालिका ९ स्थित दर्शन बचत तथा ऋण सहकारी संस्था, काठमाडौं महानगरपालिका १७ को सोनित्य बचत तथा ऋण सहकारी संस्था र काठमाडौं महानगरपालिका १७ अनामनगर अवस्थित आदिवासि जनजाति महिला बचत तथा ऋण सहकारी संस्थाबीच सुरु भएको एकीकरण प्रकृया सम्पन्न भएको छ ।

बागमती प्रदेश भूमि व्यवस्था, कृषि तथा सहकारी मन्त्रालय सहकारी महाशाखाबाट वैशाख ९ गते उक्त एकीकरण प्रकृया स्विकृत भएसगै एकीकरण प्रकृया सम्पन भएको हो ।

यी तीनै संस्थाबीच गठन भएको एकीकरण कार्यदलहरुकाबीच पटक/पटक बसेको बैठक तथा छलफल एवं सम्पन्न तीन वटै संस्थाको पछिल्लो साधारण सभा तथा एकिकृत साधारण सभाबाट तीन संस्थाविच एकीकरण गर्ने निर्णय भएको थियो ।

बागमती प्रदेश सहकारी ऐन २०७६ र प्रदेश सहकारी नियमावली २०७६ बमोजिम एकीकरणका शर्त तथा कार्यविधिहरु पारित भएको हो ।

कीर्तिपुर न.पा. ९ नगाँउमा आफ्नै भवनमा सेवा प्रदान गर्दै आएको यस संस्थाले काठमाडौं–१७ खुसिबुँ ,काठमाडौ आदिबासी जनजाति महिला साकोस रहेको स्थानमा र चन्द्रागिरि न.पा मा आफ्नो सेवा केन्द्र सञ्चालन हुने र अन्य केही स्थानहरुमा पनि चाँडै नै शाखा बिस्तार हुने संस्थाका प्रमुख कार्यकारी अधिकृत सुवर्ण महर्जनले बताए ।

संस्थाको एकिकृत साधारण सभाबाट दिनेश दर्शनधारीको अध्यक्षतामा ७ सदस्यीय नयाँ संचालक समिति पनि गठन भएको छ । जसमा उपाध्यक्षमा तारा तुलधर सचिवमा यशोदा राई कोषाध्यक्षमा जेनु महर्जन ,सदस्यमा शान्ति कुमारी राई ,दिपक नेपाली र जेनिस महर्जन सर्वसम्मत निर्वाचित भएका थिए।

त्यसै गरी सल्लाहकारमा रिता श्रेष्ठ, शिब श्रेष्ठ, बुध्दि बहादुर महर्जन ,नजरराम महर्जन, बुध्दि बहादुर माली, छवि लाल जोशी ,बछला दर्शनधारी , बुध्दि बहादुर महर्जन–२, नजराम महर्जन–२ मनोनित हुनु भयो।

२०७८ वैशाख १० गते १८:३३ मा प्रकाशित

You can share this post!

एनआरएनएले १० अर्बको कोष बनाउनेः ८ अर्बको आइपीओ जारी गर्दा कसले पाउँछ लगानी गर्न ?

एनआरएनएले १० अर्बको कोष बनाउनेः ८ अर्बको आइपीओ जारी गर्दा कसले पाउँछ लगानी गर्न ?

Related posts