काठमाडौं । सानिमा जनरल इस्योरेन्सले निर्जीवन बीमा व्यवसाय गर्ने बीमकको त्रैमासिक वित्तीय अवस्था सार्वजनिक गरेको छ ।
कम्पनीले सार्वजनिक गरेको वित्तीय विवरणअनुसार चालु आर्थिक वर्षको तेस्रो त्रैमासमा ५ करोड ८१ लाख ७० हजार रुपैयाँ खुन नाफा आर्जन गरेको छ ।
कम्पनीले गत आवको सोही अवधिको तुलनमा १ सय प्रतिशतले बढी हो । गत वर्षको सोही अवधिमा कम्पनीले २ करोड ८९ लाख ४७ हजार रुपैयाँ खुद नाफा कमाएको थियो ।
कम्पनीले चैतमसान्तसम्म कुल ४६ करोड ४६ लाख २८ हजार रुपैयाँ बीमा शुल्क आर्जन गरेको छ । गत वर्षको सोही अवधिको तुलनमा ७६.४५ प्रतिशतले बढी हो ।
गत वर्ष कम्पनीले २६ करोड ३३ लाख ६ हजार रुपैयाँ बीमा शुल्क आर्जन गरेको थियो । तेस्रो त्रैमासम्म कम्पनीको कुल दावी भुक्तानी रकम १५ करोड २६ लाख ६८ हजार रुपैयाँ रहेको छ । गत वर्षको सोही अवधिमा भने ५ करोड ५७ लाख ६४ हजार रुपैयाँ दावी भुक्तानी गरेको थियो ।
यो वर्ष कुल दावी भुक्तानी संख्या १ हजार ७०३ रहेको छ । गत वर्षको सोही अवधिमा ६३२ रहेको थियो । चैतमसान्तसम्म भुक्तानी हुन बाँकी दावी रकम भने २३ करोड ९४ लाख ६७ हजार रुपैयाँ रहेको छ । गत वर्षको सोही अवधिमा १० करोड ४९ लाख ६९ हजार रुपैयाँ बाँकी रहेको थियो । यस्तै, भुक्तानी हुन बाँकी दावी संख्या १ हजार २४५ रहेको छ ।
कम्पनीको चुक्तापूँजी १ अर्ब पुगेको छ । जगेडा तथा कोषमा ७ करोड ५९ लाख ५५ हजार रुपैयाँ छ । कम्पनीको प्रतिसेयर आम्दानी ७ रुपैयाँ ८० पैसा, प्रतिसेयर नेटवर्थ ११७ रुपैयाँ ०६ पैसा रहेको छ ।
वि.सं.२०७८ वैशाख १९ आइतवार १२:४६ मा प्रकाशित