काठमाडौं । आइएमई लाइफ इन्स्योरेन्स कम्पनीले चालु आर्थिक वर्ष २०७७/७८ को तेस्रो त्रैमासिक वित्तीय विवरण सार्वजनिक गरेको छ ।
कम्पनीले सार्वजनिक गरेको विवरण अनुसार तेस्रो त्रैमासमा १० करोड १ लाख ३३ हजार रुपैयाँ खुद नाफा कमाएको छ । गत वर्षको सोही अवधिको तुलनामा कम्पनीको नाफा २.०३ प्रतिशतले मात्रै बढी हो । गत वर्षको सोही अवधिमा कम्पनीले ९ करोड ८१ लाख ३७ हजार रुपैयाँ नाफा गरेको थियो ।
कम्पनीले यस त्रैमाससम्ममा १ अर्ब ८९ करोड ५४ लाख ३९ हजार रुपैयाँ कुल बीमा शुल्क आर्जन गरेको छ । गत वर्षको तुलनामा कम्पनीको कुल बीमा शुल्क आर्जन ११४ प्रतिशतले बढी हो । गत वर्षको सोही अवधिमा ८८ करोड १९ लाख ७७ हजार रुपैयाँँ आर्जन गरेको थियो ।
यस्तै, तेस्रो त्रैमासम्ममा कुल कायम रहेको बीमालेखको संख्या १ लाख ४९ हजार २२ रहेको छ । तेस्रो त्रैमाससम्ममा कुल दावी भुक्तानी रकम ३४ करोड ११ लाख ३ हजार रुपैयाँ छ भने कुल दावी भुक्तानी संख्या १९३ रहेको छ ।
चालू आवको तेस्रो त्रैमाससम्ममा कम्पनीले जगेडामा ४५ करोड ५ लाख रुपैयाँ र बीमा कोषमा २ अर्ब ४९ करोड ८३ लाख रुपैयाँ सञ्चित गरेको छ । कम्पनीको प्रतिसेयर आम्दानी ९ दशमलव ५४ र प्रतिसेयर नेटवर्थ १३५ दशमलव ७५ रहेको छ ।
वि.सं.२०७८ वैशाख २० सोमवार १२:१० मा प्रकाशित