कोरोनाको समयमा बैंकले अत्याधिक ब्याज लिएः महासंघ अध्यक्ष गिरी, कर तिर्ने म्याद ६ महिना बढाउन सरकारलाई आग्रह

काठमाडौं । कोरोनाको महामारीको समयमा केही बैंकहरुले उद्योग व्यवसाय कर्जामा अत्याधिक ब्याज लगाएको नेपाल घरेलु तथा साना उद्योग महासंघले जनाएको छ ।

महासंघका अध्यक्ष श्याम गिरीका अनुसार बैंकहरुको यस्तो गतिविधिले उद्यमी व्यवसायीलाई मर्माहत पारेको अध्यक्ष गिरीको भनाइ छ ।
महासंघले सम्बन्धित बैंकहरुलाई बैंकर्स एसोसिएनसन मार्फत यस्ता निर्णयहरु सच्याई कोभिड प्रकोपको यो बेलामा सुमधुर व्यवसायिक वातावरण कायम राख्न बैंक तथा वित्तीय संस्थाहरुसँग अनुरोध गरेको छ ।

महासंघले राष्ट्र बैंकले प्रस्ताव गरेको पुनकर्जा कार्यविधिमा व्यवस्था गरिएका प्रावधानहरुले आफ्ना उद्यम व्यवसायमा काम गर्ने कामदाहरुलाई बैंकमा खाता खोली पारिश्रमिक भुक्तान गर्ने र नियमित रुपमा कर कट्टा गरी आयकर दाखिला गर्ने उद्यम व्यवसायले मात्रै पुनकर्जा पाउने भन्ने व्यवस्था लघु घरेलु तथा साना व्यवसायीको हकमा लागु हुने अवस्था नरहको समेत जनाएको छ ।

महासंघले पुनकर्जा कार्यविधिमा प्रतिकुल परिस्थितिमा सञ्चालन भएका उद्यम व्यवसायको हकमा यो व्यवस्थालाई खुकुलो गरी सम्बन्धित निजी क्षेत्रको छाता संस्थाको प्रतिनिधि, नेपाल राष्ट्र बैंक, घरेलु कार्यालय, कर कार्यालय र सम्बन्धित बैंकको प्रतिनिधि समेत रहेको अनुगमन तथा छानबीन समितिको सिफारिशको आधारमा पुनकर्जा दिने प्रवधान राख्न नेपाल राष्ट्र बैंकलाई आग्रह गरेको छ ।

महासंघले कोभिडका कारण समग्र जनजीवन अस्तव्यस्त र निषेधाज्ञा जारी भएको हालको बेलामा समेत आन्तरिक राजस्व विभागले जसरी भएपनि कर तिर्न आउन भन्नु दुःखद भएको जनाएको छ ।

अहिले सबै क्षेत्र जस्तै हामी लघु घरेलु तथा साना उद्योगी खुल्ला हिंड्ने र कर तिर्ने अवस्थामा नरहेको जनाएको छ । महासंघले सरकारलाई कर तिर्ने म्याद कम्तीमा ६ महिना बढाउन समेत अनुरोध गरेको छ ।

पछिल्ला दिनमा कोभिड–१९ को दोस्रो चरणको प्रकोपबाट लघु घरेलु तथा साना उद्योगहरु बढी प्रभावित भइरहँदा पनि आपूर्ति व्यवस्थालाई सूचारु कायम राख्न हाम्रा उद्यमीहरुले अहोरात्र काम गरिरहेको जनाएको छ । त्यसैले अहिले हाम्रो पहिलो प्राथमिकता भनेको हाम्रा उद्यमी व्यवसायी र कामदारको जीवन रक्षा गर्नु रहेको जनाएको छ ।

पछिल्लो तथ्याङ्क अनुसार महासंघको विभिन्न तहमा रहेका सदस्य उद्यमीहरु मध्ये ताप्लेजुङ्गमा २ जना, काभ्रेमा १ जना कैलालीमा २ जना पर्सामा १ जना सुर्खेतमा २ जना बाँकेमा ५ जना, दाङमा २ जना, सल्यानमा १ जना, मकवालनपुरमा १ जना, संखुवासभामा १ जनाले कोभिडका कारण ज्यान गुमाइसक्नुभएको छ । यस्तै ११९ जना हाम्रा लघु, घरेलु तथा साना उद्यमीहरु कोभिड संक्रमित भई उपचार गरिरहेको महासंघले जनाएको छ ।

यस्तो बेला हामी देशभरका आम जनसमुदाय र हाम्रा लघु घरेलु तथा साना उद्यमीहरुलाई सरकारद्घारा जारी स्वास्थ्य प्रोटोकलको पालना गर्दै आफना कामदारको स्वास्थ्य सुरक्षाका लागि समेत सम्भव भएसम्मका उपाय अवलम्बन गरी आफना उद्यम व्यवसाय सञ्चालन गर्दै स्थानीय र देशकै आपूर्ति व्यवस्थालाई सुचारु गर्न समेत आग्रह गरेको छ ।

२०७८ वैशाख २२ गते १०:५८ मा प्रकाशित

You can share this post!

हकप्रद सेयर निष्काशनका लागि बैशाख २९ गते बुक क्लोज गर्दै अपि पावर, कति आउँदैछ ?

हकप्रद सेयर निष्काशनका लागि बैशाख २९ गते बुक क्लोज गर्दै अपि पावर, कति आउँदैछ ?

Related posts