काठमाडौं । भक्तपुर नगपालिकाले सहकारी संस्थाहरुलाई स्वास्थ्य मापदण्ड पालन गरि सेवा प्रवाह गर्न अनुरोध गरेको छ ।
जिल्ला प्रशासन कार्यालय भक्तपुरबाट घोषणा गरेको निषेधाज्ञा अवधिभर सहकारीहरुले आफ्ना सदस्यहरुलाई बिहान ७ बजेदेखि १० बजेसम्म मात्र कार्यालय खोली सेवा प्रवाह संचालन गर्न नगरपालिकाले अनुरोध गरेको हो ।
एक सूचना निकाल्दै नगर कार्यपालिकाको कार्यालयले सेवा प्रवाह गर्दा सुरक्षाका विधि, उपाय तथा सामाजिक दूरी कायम गर्न, संस्थामा सेनिटाइजर, मास्क, थर्मलगनको प्रयोग गर्ने व्यवस्थाका लागि अनुरोध गरेको छ ।
विश्वव्यापी महामारीको रुपमा फैलिएको कोभिड १९ को रोकथा तथा नियन्त्रणका लागि सरकार र प्रशासनले जारी गरेको निषेधाज्ञा आदेशको पूर्ण पालनमा गराई नगरपालिका क्षेत्रत्रिका सहकारी संस्थाहरुले आफू र सदस्यहरुलाई पर्न सक्ने आर्थिक तथा सामाजिक संकटबाट बचाउका लागि यस्तो व्यवस्था गरेको हो ।
नगरपाकिाले सहकारी संस्थाबाट संचालन हुने बैठक, तालिम र गोष्ठीजस्ता कार्याक्रम विद्युतीय माध्यमबाट संचालन गर्न भनेको छ ।
हेनुहोस्, सूचना
वि.सं.२०७८ वैशाख २२ बुधवार १४:४८ मा प्रकाशित