किसान लघुवित्तको नाफामा उल्लेख्य वृद्धि : कति कमायो ? यस्ता छन् अन्य सूचकहरु

काठमाडौं । किसान लघुवित्त वित्तीय संस्थाले नाफामा उल्लेख्य वृद्धि गरेको छ ।

कम्पनीले चालु आर्थिक वर्षको तेस्रो त्रैमासम्म ८ करोड ६६ लाख ४७ हजार रुपैयाँ नाफा कमाएको छ । कम्पनीले बिहीवार सार्वजनिक गरेको चालु आवको तेस्रो त्रैमासिक वित्तीय विवरणले यस्तो देखाएको हो ।

गत वर्षको सोही अवधिमा कम्पनीले ५० लाख ११ हजार रुपैयाँ नाफा आर्जन गरेको थियो । कम्पनीको चुक्तापूँजी ३९ करोड २८ लाख ८ हजार रुपैयाँ रहेको छ । कम्पनीले जगेडामा१८ करोड ३० लाख ३८ हजार रुपैयाँ राखेको छ ।

चैत मसान्तसमममा कम्पनीले ४ अर्ब ५६ करोड ३२ लाख सापटी लिएको छ । १ अर्ब ११ करोड ६६ लाख निक्षेप संकलन गरी ५ अर्ब ६३ करोड २१ लाख कर्जा लगानी गरेको देखिएको छ ।

कम्पनीले सोही अवधिमा २ करोड २९ लाख १६ हजार खराब कर्जा उठाउन सफल भएको छ । कम्पनीको प्रतिसेयर आम्दानी २२ रुपैयाँ शून्य ६ पैसा, मूल्य आम्दानी अनुपात ७९ दशमलव १५, तरलता अनुपात ५२ दशमलव ९८ र प्रतिसेयर नेटवर्थ १४६ रुपैयाँ ६० पैसा रहेको छ ।

२०७८ वैशाख २३ गते १२:०३ मा प्रकाशित

You can share this post!

आधा दर्जन कम्पनीको सेयर मूल्य ९ प्रतिशतभन्दा धेरैले बढ्यो, कुनको कति पुग्यो ?

आधा दर्जन कम्पनीको सेयर मूल्य ९ प्रतिशतभन्दा धेरैले बढ्यो, कुनको कति पुग्यो ?

Related posts