ग्रामीण विकास लघुवित्तको नाफा ४५७% ले वृद्धि : खराब कर्जा पनि घटायो, यस्तो छ वित्तीय अवस्था

काठमाडौं । ग्रामीण विकास लघुवित्त वित्तीय संस्थाले चालु आर्थिक वर्षको तेस्रो त्रैमासिक वित्तीय विवरण सार्वजनिक गरेको छ ।कम्पनी सार्वजनिक गरेको विवरण अनुसार २८ करोड ५८ लाख १९ हजार रुपैयाँ नाफा कमाएको छ ।

जुन गत आवको सोही अवधिको तुलनामा ४५७.२२ प्रतिशतले बढी हो । गत आवको तेस्रो त्रैमाससम्ममा कम्पनीले ५ करोड १२ लाख ९३ हजार नाफा कमाएको थियो ।

कम्पनीको चुक्तापूँजी ९८ करोड १५ लाख रुपैयाँ रहेको छ । कम्पनीको जगेडा तथा कोषहरुमा ७४ करोड ९३ लाख ७८ हजार रुपैयाँ रहेको छ ।

चालू आवको तेस्रो त्रैमाससम्ममा कम्पनीले ७ अर्ब २० करोड २६ लाख ४९ हजार रुपैयाँ सापटि लिएको छ । कम्पनीले ३ अर्ब ९३ करोड ६९ लाख निक्षप संकलन गरेर १२ अर्ब ५४ करोडभन्दा बढी कर्जा लगानी गरेको छ ।

यस्तै, कम्पनीले निष्क्रिय कर्जा पनि घटाएको छ । गत आवको तेस्रो त्रैमासमा कम्पनीको ७ दशमलव ८१ प्रतिशत रहेकोमा चालू आवको सोही अवधिमा ३ दशमलव २८ मा झरेको छ ।

कम्पनीको प्रतिसेयर आम्दानी ३८ रुपैयाँ ७९ पैसा, मूल्य आम्दानी अनुपात ३१ दशमलव १४ गुणा, तरलता अनुपात ६ दशमलव ५८ प्रतिशत र प्रतिसेयर नेटवर्थ १७६ रुपैयाँ २७ पैसा रहेको छ ।

२०७८ वैशाख २४ गते १४:०० मा प्रकाशित

You can share this post!

युनाइटेड इन्स्योरेन्सको नाफामा छलाङ : ३३५ प्रतिशतले वृद्धि हुँदा कस्ता छन् अन्य सूचकहरु ?

युनाइटेड इन्स्योरेन्सको नाफामा छलाङ : ३३५ प्रतिशतले वृद्धि हुँदा कस्ता छन् अन्य सूचकहरु ?

Related posts