काठमाडौं । बहराइनको राजपरिवारका सदस्य सहितको टोलीले विश्वको सर्वोच्च शिखर सगरमाथाको सफल आरोहण गरेका छन् ।
सगरमाथाको नयाँ उचाइ मापनपछि सगरमाथा आरोहण गर्ने पहिलो अन्तर्राष्ट्रिय समूह रहेको छ । पर्यटन विभागकी निर्देशक मिरा आचार्यका अनुसार उक्त समूहले आज बिहान साढे ५ देखि ६ बजेर ४५ मिनेटको बीचमा सगरमाथाको सफल आरोहण गरेको हो ।
बहराइनका युवराज शेख नसेर बिन हमिद अल खलिफाका भाइ राजकुमार खलिफासहित १२ जनाको टोली सगरमाथा आरोहण गरेको आचार्यको भनाइ छ । उक्त समूहमा १६ जना रहेका थिए । सगरमाथा आरोहणका लागि उक्त समूह मार्च १५ मा नेपाल आएको विभागको भनाइ छ ।
वि.सं.२०७८ वैशाख २८ मंगलवार १०:२६ मा प्रकाशित
