३९% ले एशियन लाइफको नाफा : साढे ४ अर्ब बढी बीमाशुल्क आर्जन, अन्य सूचक कस्ता ?

काठमाडौं । एशियन लाइफ इन्स्योरेन्स कम्पनीले चालु आर्थिक वर्षको तेस्रो त्रैमासमा १८ करोड २१ लाख ११ हजार रुपैयाँ नाफा कमाएको छ ।

कम्पनीले बिहीवार सार्वजनिक गरेको चालु आवको तेस्रो त्रैमासिक वित्तीय अवस्थाको तथ्याङ्कले यस्तो देखिाएको हो ।कम्पनीको नाफा गत वर्षको सोही अवधिको तुलनामा ३९.३१ प्रतिशतले वृद्धि भएको हो । कम्पनीले गत वर्षको तेस्रो त्रैमासमा १३ करोड ७ लाख २२ हजार रुपैयाँ नाफा कमाएको छ ।

कम्पनीले तेस्रो त्रैमासम्म ४ अर्ब ६३ करोड ७० लाख रुपैयाँ कुल बीमाशुल्क आर्जन गरेको छ । यो गत वर्षको सोही अवधिको तुलनामा ४९ प्रतिशतले वृद्धि भएको हो । कम्पनीले गत वर्ष सोही अवधिमा ३ अर्ब १० करोड २१ लाख बीमाशुल्क आर्जन गरेको थियो ।

तेस्रो त्रैमासम्म २ अर्ब ११ करोड ४२ लाख ७३ हजार रुपैयाँ कुल दावी भुक्तानी गरेको छ । भुक्तानी हुन बाँकी दावी रकम ४ करोड ४४ लाख ८८ हजार रुपैयाँ देखिएको छ ।

कम्पनीको चुक्तापूँजी २ अर्ब १ करोड ७ लाख रुपैयाँ पुगेको छ । कम्पनीले चालू आवको तेस्रो त्रैमाससम्ममा जगेडामा ७३ करोड ४ लाख २१ हजार रुपैयाँ र जीवन बीमा कोषमा २५ अर्ब ४२ करोड ८ लाख रुपैयाँ रहेको छ ।

कम्पनीको प्रतिसेयर आम्दानी १२ रुपैयाँ ०८ पैसा, मूल्य आम्दानी अनुपात १०९ दशमलव ३१ र प्रतिसेयर नेटवर्थ १४० रुपैयाँ ८४ पैसा रहेको छ ।

२०७८ वैशाख ३० गते १४:०७ मा प्रकाशित

You can share this post!

प्रभु इन्स्योरेन्सको नाफा करिब १६ करोड, यस्तो छ वित्तीय अवस्था (विवरणसहित)

प्रभु इन्स्योरेन्सको नाफा करिब १६ करोड, यस्तो छ वित्तीय अवस्था (विवरणसहित)

Related posts