थोरै पैसा जम्मा गर्न बैंकमा नआउनु, डिजिटल बैंकिङ कारोबार गर्नुः संघ

काठमाडौं । डेभलपमेन्ट बैंकर्स संघले सेवाग्राहीलाई थोेरै निक्षेप राख्न बैंकमा नआउन आग्रह गरेको छ ।

संघले विज्ञप्ति जारी गर्दै आ–आफ्ना ग्राहकहरुलाई परिस्थिति केहि सहज नभएसम्म साना साना निक्षेप जम्मा गर्न भरसक बैंकमा नआउन अनुरोध गरेको छ । संघले सबै सेवाग्राहीलाई संभव भएसम्म डिजिटल बैंकिङ् प्रडक्टहरुबाट बैंकिङ् कारोवार गर्न आग्रह गरको छ ।

ग्राहक र कर्मचारीको सुरक्षाका लागि उपलब्ध र संभव भएसम्मका अझ थप उपायहरु अवलम्वन गर्ने, प्रधान कार्यालयका कर्मचारीहरुलाई अत्यावश्यक बाहेकका कामका लागि कार्यालयमा नबोलाउने र घरबाटै काम गर्ने बाताबरण बनाउन आफ्ना सदस्य बैंकलाई निर्देशन दिएको छ ।

सूचना प्रबिधि, ग्राहक विभाग र नगद विभागका कर्मचारीलाई पनि अत्यावश्यकताका आधारमा मात्रै कार्यालयमा बोलाउने, ग्राहकहरुले सम्पर्क व्यक्तिहरु मार्फत गरेका अनुरोध र सुझाबलाई व्यवहारिक तरिकाले नेपाल राष्ट्र बैंकले दिएको निर्देशनको परिधि भित्र रहेर हल गर्ने निर्देशन दिएको छ ।

यस्तै नेपाल राष्ट्र बैंक, सम्बन्धित जिल्ला प्रशासन-सरकारले दिएको निर्देशन पूर्णतया अनुपालना गर्न समेत आग्रह गरेको छ ।

 

२०७८ वैशाख ३१ गते १०:३८ मा प्रकाशित

You can share this post!

११% ले नाफा बढाएको एभरेष्ट इन्स्योरेन्सको भुक्तानी हुन बाँकी दावी रकम १ अर्ब बढी, अन्य सूचक कस्ता ?

आज कति छ सुनचाँदीको मूल्य ?

Related posts